Bellevue Bar and Grill (已結業)

今日見收工想同朋友食好少少，撐下枱腳，呢排屈喺屋企太悶，所以搵下旺角有咩西餐好介紹，無意中發現油麻地地鐵站附近上樓呢間好有氣氛既西餐廳！入面係靚靚既bar restaurant 見有幾pair 情侶撐下枱腳，至在周圍唔會好嘈，傾計飲下野一流！由於我地兩個都唔係好餓，所以叫左一個set dinner 兩份食算。首先會有餐包同揀左Parma Han 木瓜沙律，清清地夠開胃。餐湯係南瓜忌廉湯，都食得岀香濃南瓜味。主菜要左慢煮豬腩肉，果然慢煮係會能鎖住肉汁，每舊都係啖啖肉，肥膩度均匀，配上西梅汁岀奇地夾！甜品要左orange moose cake，好香既鮮橙味，酸味更能中和豬腩肉既油膩，令人唔會太滯！整体質素都徧高，中意嘆西餐既人可以試下！