影片
更多
2017-12-19
100 瀏覽
之前朋友介紹過食蟹嘅專門店，可惜次次weekend都滿座，所以搵左個星期一同朋友黎試吓。地鐵行過嚟幾分鐘就到，都好易搵。小菜價錢真係算幾抵食，四個人帶咗成枱餸，碟碟都好滿意。蒜頭凍螺:螺肉鮮甜彈牙，帶有酒香，平時唔鍾意食螺嘅我都食咗7,8隻。涼拌三鮮:皮蛋配爽甜青瓜同蕃茄，好清新，特別係食完蟹之後可以解解膩。臘味炒菜心:即時係一個普通嘅炒菜都睇得出餐廳嘅用心，靚嘅菜心食落口係無渣。混醬鴨鬆生菜包:之前淨係食過泰式嘅生菜包，估唔到中式嘅煮法都好惹味，我一口氣食咗三個芋頭油鴨煲:上枱嘅時候好香，熱辣辣啱晒依家天氣凍嘅時候食黃金蟹:黃金蝦食得多，黃金蟹真係第一次食，$380有咁大隻蟹夠四個人食而且碟上面鋪滿鹹蛋黃碎，我哋四個即刻相機食先。餐廳好細心咁樣將啲蟹殼打碎左，方便進食。蟹肉好鮮甜，都幾多蟹膏，真係好耐冇食過咁新鮮嘅蟹。再食一啖鹹蛋黃，好咸香撈飯一流。黑松露蛋白炒飯: 鋪滿黑松露，好足料，可惜嗰日食得太飽，要打包返屋企。黑蒜淮山炒帶子:唔係唔好食，不過其他餸菜有啲失色。整體來講真係好值得推介，餐廳嘅用心食客係感受到，除咗食物美味，價錢抵食之外，店員服務亦都好貼心，所以都明白點解餐廳越開
蒜頭凍螺:螺肉鮮甜彈牙，帶有酒香，平時唔鍾意食螺嘅我都食咗7,8隻。
涼拌三鮮:皮蛋配爽甜青瓜同蕃茄，好清新，特別係食完蟹之後可以解解膩。
臘味炒菜心:即時係一個普通嘅炒菜都睇得出餐廳嘅用心，靚嘅菜心食落口係無渣。
混醬鴨鬆生菜包:之前淨係食過泰式嘅生菜包，估唔到中式嘅煮法都好惹味，我一口氣食咗三個
芋頭油鴨煲:上枱嘅時候好香，熱辣辣啱晒依家天氣凍嘅時候食
黃金蟹:黃金蝦食得多，黃金蟹真係第一次食，$380有咁大隻蟹夠四個人食而且碟上面鋪滿鹹蛋黃碎，我哋四個即刻相機食先。餐廳好細心咁樣將啲蟹殼打碎左，方便進食。蟹肉好鮮甜，都幾多蟹膏，真係好耐冇食過咁新鮮嘅蟹。再食一啖鹹蛋黃，好咸香撈飯一流。
黑松露蛋白炒飯: 鋪滿黑松露，好足料，可惜嗰日食得太飽，要打包返屋企。
黑蒜淮山炒帶子:唔係唔好食，不過其他餸菜有啲失色。
整體來講真係好值得推介，餐廳嘅用心食客係感受到，除咗食物美味，價錢抵食之外，店員服務亦都好貼心，所以都明白點解餐廳越開越大。提提大家要預早訂位，或者平日黎，唔好白行一趟。
張貼
