影片
更多
2018-09-24
493 瀏覽
話說尋日見到有網友的openrice名，激發咗去開一個openrice户口去分享食評，都順手記錄下我呢個都市大胃王日中食過乜好西咁。首篇文章就係呢間最近嘅話題之店: 雪之下 (yuki no shita)。作為pancake控嘅我躍躍欲試，就係比條隊嚇親。尋晚八點半左右路經，見到有10個人左右排除，我同女友一排就排左半個鐘。就快有位時店員就叫我地先點餐，話坐低就會有得食。本身我地只係想食個pancake，但每人最低消費要$50，我地就多點一份抹茶刨冰。先講講個刨冰。本身kakigori係應該將糖漿淋上刨好嘅冰的，但個人口味比較喜歡啲冰係本身嘅野結成冰 （抹茶冰/咖啡冰），做出來味道會比較濃厚。尋晚食嘅呢個，第一感覺：好水。上面淋咗層應該係奶嘅野，仲有小量紅豆，食到底有舊硬邦邦嘅牛奶，好怪。老實說三年前icremeria 嘅茶冰出色過呢個太多，而冰嘅質地都被曼谷嘅after you大比數拋離。$76, 唔係太值。我地甚至覺得，不如佢地唔好做呢樣，專心做好個pancake同coffee仲好。好在個cake挽回不少分數，淨係講佢個蛋味已經無得輸。個冰花得太多時間，我地攤凍咗個cake先食，而
首篇文章就係呢間最近嘅話題之店: 雪之下 (yuki no shita)。作為pancake控嘅我躍躍欲試，就係比條隊嚇親。尋晚八點半左右路經，見到有10個人左右排除，我同女友一排就排左半個鐘。
就快有位時店員就叫我地先點餐，話坐低就會有得食。本身我地只係想食個pancake，但每人最低消費要$50，我地就多點一份抹茶刨冰。
先講講個刨冰。
本身kakigori係應該將糖漿淋上刨好嘅冰的，但個人口味比較喜歡啲冰係本身嘅野結成冰 （抹茶冰/咖啡冰），做出來味道會比較濃厚。尋晚食嘅呢個，第一感覺：好水。上面淋咗層應該係奶嘅野，仲有小量紅豆，食到底有舊硬邦邦嘅牛奶，好怪。老實說三年前icremeria 嘅茶冰出色過呢個太多，而冰嘅質地都被曼谷嘅after you大比數拋離。$76, 唔係太值。我地甚至覺得，不如佢地唔好做呢樣，專心做好個pancake同coffee仲好。
好在個cake挽回不少分數，淨係講佢個蛋味已經無得輸。個冰花得太多時間，我地攤凍咗個cake先食，而家諗翻真係個鬼咁錯嘅決定。希望睇到呢個文章嘅每一位，記得上桌即刻食！耐咗個面會變靭，半身應該係又軟又香，反而伴碟的蜜糖淋咗上去就好似無乜味，我切咗舊細的直接塞入個小樽度 務求嗨哂所有蜜糖，但sorry真係唔夠味。一放得耐，真心大打節扣，又乾又靭。
食完出去差不多9點半，見到有20個人排緊隊。可能晚飯去食會無咁多人排隊，到甜品時間食先去就會排到hihi鳥。
抹茶味刨冰
16 瀏覽
0 讚好
0 留言
蜜糖口味pancake
21 瀏覽
0 讚好
0 留言
張貼
