古今二 (荃灣千色匯I) (已結業)

日本野食得多有時都會覺得厭，黎黎去去都係差唔多個幾款野食：三文魚刺身、炸蝦天婦羅、壽司，好似間間都差唔多咁所以朋友就帶左我黎呢間古今二，話一定有驚喜比我，咁我一於就睇下佢有咩好介紹啦坐低睇下menu，見到好多唔同款式好靚既卷物好似好有心機整咁，唔食真係對唔住自己前菜叫左個柚子沙律，柚子好香甜，撈埋啲沙律菜成盤沙律都甜甜地，唔會好乾燒雞腎，好入味，聞落好香，燒到岩岩好一啲都唔硬我最期待既畫面出現了！估唔到食一個卷物可以玩到咁多gimmick野，呢個「火山」真係有火，打卡一流除左好睇，味道都唔執輸，上面蟹柳同芝士勁夾勁香，中間仲包住左啲牛油果，好好食！最後仲有個雜錦天婦羅，新鮮炸出，熱辣辣好脆身，正！