一鍋豐 (已結業)

尋日星期日同屋企人去食火鍋我近近地就去左一鍋豐。選左高級果個。 有不同類型的海產，一次性海鮮值讚。整體都幾新鮮。首先，我地叫左個川芎天麻大魚頭鍋，湯底少少咸，但好惹味。青口有好大陣青草味，肉質嫩滑，味道清新。其次，海蝦嘅鮮味非常濃，較鮮甜，口感細緻。牛骨髓既香又滑，味道很濃郁，沒有一絲腥味。花膠略帶海水味，營養價值高，很爽口。另外，墨魚滑爽口彈牙，味道香濃。芝士丸一咬，入口即溶，芝士味道濃，入面芝士有點兒燙，要放久點才吃。金菇沒有異味亦比較幼身。手切肥牛很有肉鮮味，脂肪嘅比例均衡，口感不錯。肥牛粒較大舊，煙煙韌韌，沒有冷藏的味道。海蜆味道肥美清新，稍鮮甜。牛肉厚度適中，很新鮮，多汁juicy,唔韌。牛柏葉味道較淡，口感爽口。響鈴非常大舊，好脆。芋絲本身冇咩味，但索晒啲湯汁好好食。飲品和甜品都係任拎，不要錯過。