倫哥尚品火鍋私房菜 (已結業)

又想食雞煲, 又想打邊爐, 又想食刺身，咁黎倫哥就一次過可以滿足晒呢3個願望喇!! 3樣野既質素都絕對有水準! 3百零蚊個人就可以任食吃到飽!!仲有多款汽水,涼茶，韓式飲品免費任飲!未齊人可以叫D小食食下先, 有2款，雞腳同雲耳, 雞腳就唔夠淋，雲耳係麻辣的先會上雞煲, 有指引教你點炒個好食既雞煲, 職員亦都好緊貼時間, 為你炒完又炒，可以揀不同辣度，大中小辣，一個唔夠喉? 可以任叫，食到你夠為止! 是晚的雞件頗為細，跟職員反映，亦即時有跟進!讚!食完雞煲，就可以食刺身，刺身是不可任食的，每位有6款，每款一件, 是晚有三文魚,三文魚腩, 北寄貝, 帶子, 大隻的蝦, 同應該係鱆紅魚，品質絕對新鮮, 同OK的!食完刺身, 就有汁煮鮑魚食，好淋好入味，之後仲有蒸象拔蚌BB最後就可以打邊爐喇，龍蝦鍋就另加$30，海鮮盤有蟶子,海蝦, 白鱔，龍躉﹐脆鯇魚，刀貝，蜆等等，當中多款都可以再encore,另外任encore既仲有黑白墨魚滑，雲吞水餃，炸魚皮，響鈴，有機蔬菜等，牛頸脊都不錯，但就唔可任食最後最後就有甜品食, 燕窩燉蛋白