灜鐵板燒

營業中

休息中

灜鐵板燒位於尖沙咀海防道，餐廳主打高級鐵板燒同佐酒小食🍶環境闊落樓底高，食客圍繞鐵板燒坐，可邊觀賞廚師烹製，邊享用美食。海鰻干又鹹又香，古早味濃🇯🇵切好一條條，超有咬勁，蘸上沙律醬，絕對係最佳送酒零食！黃金海虎蝦幾有大牌檔風味🙈切成一段段，能享受唔同部位帶嚟嘅蝦味。佈滿鹹蛋黃嘅虎蝦咬落去就好似一層份外香口嘅炸衣，外層酥脆內裡鮮嫩彈牙。帆立貝北海燒比平時食嘅大粒😍略燒表面逼出帆立貝肉汁。肉質濕潤柔軟，同酸酸哋嘅醬汁好夾！今餐飲飽食醉真係好滿足🥰唔單止滿足味覺，亦同時滿足視覺同嗅覺。食物質素非常之高，價錢合理，店員同廚師細心有禮，值得我再回頭！