影片
更多
2019-02-02
99 瀏覽
一班人食飯聚會，打邊爐都應該係最多人鐘意嘅選擇，之前都聽過朋友講倫哥嘅火鍋相當出名，尤其是雞煲同海鮮都幾高質，一於同朋友試下。第一輪出場嘅有刺身拼盤，都幾多款式，分別有三文魚、帶子、甜蝦、北寄貝、八爪魚等，賣相都唔錯。三文魚夠肥美，非常鮮甜，而且好厚肉，好正。花膠鮑魚做前菜，感覺夠曬矜貴，而且花膠好入味，炆得好冧，啖啖都係骨膠原嘅感覺，女仔好啱食。香醋木耳，入口好爽脆，加上有酸酸甜甜嘅調味，味道好開胃。雞煲都係呢度嘅賣點，可以按店員指示咁煮，每兩分鐘炒下佢，一邊炒嘅時候已經好肚餓，不過等待是值得的，因為雞肉好入味，食起嚟都幾嫩滑，而且仲有惹味嘅魷魚同豬皮，無得輸。不過我最鐘意都係海鮮拼盤，入面有唔少新鮮嘅海鮮，蟶子、大蜆、龍躉等等，都係我嘅最愛。尤其蟶子大大隻，非常鮮甜！另外廣島蠔都幾好，非常肥美，入口一啲都唔腥，好有海水味。牛頸脊方面亦都好吸引，有唔少雪花，入口好香嘅牛味，但唔會太肥，鐘意食牛嘅人不能錯過。配料方面亦郁唔輸蝕，我同朋友都幾鐘意呢個咁大粒嘅雲吞同餃子，因為入面真係好足料，皮薄餡多，入面嘅蝦同豬肉好彈牙好多肉汁。仲有個黑糖冰涼粉甜品，夠曬冰凍，黑糖唔會太甜，反而清甜好潤喉
一班人食飯聚會，打邊爐都應該係最多人鐘意嘅選擇，之前都聽過朋友講倫哥嘅火鍋相當出名，尤其是雞煲同海鮮都幾高質，一於同朋友試下。
第一輪出場嘅有刺身拼盤，都幾多款式，分別有三文魚、帶子、甜蝦、北寄貝、八爪魚等，賣相都唔錯。
三文魚夠肥美，非常鮮甜，而且好厚肉，好正。
花膠鮑魚做前菜，感覺夠曬矜貴，而且花膠好入味，炆得好冧，啖啖都係骨膠原嘅感覺，女仔好啱食。
香醋木耳，入口好爽脆，加上有酸酸甜甜嘅調味，味道好開胃。
雞煲都係呢度嘅賣點，可以按店員指示咁煮，每兩分鐘炒下佢，一邊炒嘅時候已經好肚餓，不過等待是值得的，因為雞肉好入味，食起嚟都幾嫩滑，而且仲有惹味嘅魷魚同豬皮，無得輸。
不過我最鐘意都係海鮮拼盤，入面有唔少新鮮嘅海鮮，蟶子、大蜆、龍躉等等，都係我嘅最愛。
尤其蟶子大大隻，非常鮮甜！
另外廣島蠔都幾好，非常肥美，入口一啲都唔腥，好有海水味。
牛頸脊方面亦都好吸引，有唔少雪花，入口好香嘅牛味，但唔會太肥，鐘意食牛嘅人不能錯過。
配料方面亦郁唔輸蝕，我同朋友都幾鐘意呢個咁大粒嘅雲吞同餃子，因為入面真係好足料，皮薄餡多，入面嘅蝦同豬肉好彈牙好多肉汁。
仲有個黑糖冰涼粉甜品，夠曬冰凍，黑糖唔會太甜，反而清甜好潤喉，真係食得好滿足。
張貼
