影片
更多
2018-05-20
203 瀏覽
平時約班姊妹食飯，想慢慢坐下食下，唔想有時限，食完飯又想搵個地方飲下野傾下計，傾得夜又想落到街即係係有返到屋企⋯⋯竟然俾我發現銅鑼灣有個好地方，一次過滿足我咁多個要求👍🏻101 grill bar+hot pot 主打台灣火鍋，單係鍋底已經有非常多選擇，而且用料豐富，例如台式香辣三杯雞涮涮鍋🌶、冬陰公卜卜蜆海鮮鍋🌶、台灣麻辣雞鍋🌶、酸菜白肉鍋、台灣沙茶雞涮涮鍋等等，一共13款鍋！😱總有一款合心意，由於我同老公唔多食得辣（雖然可以選擇辣度，但我地怕一隻🌶嘅程度都頂唔順），我地選左酸菜卜卜蜆鍋。湯底味道濃郁，層次豐富，仲有好多野食，酸菜、秀珍菇、蜆、長豆卜、蕃茄、娃娃菜等等，好足料！頭盤亦令到我地極速食完再追加，有麻醬手撕雞同秘製麻辣雲耳，唔算辣，我地仲接受到，而且好惹味，好開胃😋飲品選擇仲多，而且係任飲！如果膀胱容量夠大真係可以試好多款😂倒插砂冰系列同盆栽奶茶系列都好吸引，但我發現最抵嘅係連cocktail 、紅酒、白酒都係任叫！而且叫酒的話係成枝開俾你，倒落醒酒器先再倒出黎飲，絕不馬虎！講左咁耐都未到戲肉出場！選完鍋底就可以選肉類同火鍋拼盤，我地選左安格斯prime grade牛頸脊肥
101 grill bar+hot pot 主打台灣火鍋，單係鍋底已經有非常多選擇，而且用料豐富，例如台式香辣三杯雞涮涮鍋🌶、冬陰公卜卜蜆海鮮鍋🌶、台灣麻辣雞鍋🌶、酸菜白肉鍋、台灣沙茶雞涮涮鍋等等，一共13款鍋！😱總有一款合心意，由於我同老公唔多食得辣（雖然可以選擇辣度，但我地怕一隻🌶嘅程度都頂唔順），我地選左酸菜卜卜蜆鍋。
湯底味道濃郁，層次豐富，仲有好多野食，酸菜、秀珍菇、蜆、長豆卜、蕃茄、娃娃菜等等，好足料！
頭盤亦令到我地極速食完再追加，有麻醬手撕雞同秘製麻辣雲耳，唔算辣，我地仲接受到，而且好惹味，好開胃😋
飲品選擇仲多，而且係任飲！如果膀胱容量夠大真係可以試好多款😂倒插砂冰系列同盆栽奶茶系列都好吸引，但我發現最抵嘅係連cocktail 、紅酒、白酒都係任叫！而且叫酒的話係成枝開俾你，倒落醒酒器先再倒出黎飲，絕不馬虎！
講左咁耐都未到戲肉出場！選完鍋底就可以選肉類同火鍋拼盤，我地選左安格斯prime grade牛頸脊肥牛片同101特選火鍋拼盤。
肥牛厚切，比較有口感，肉味濃，一盤兩個人食其實好多。火鍋拼盤有幾樣驚喜令我好喜歡：1.黑松露芝士豚肉餃，黑松露味好濃郁，咬落個餃肉汁好香甜。2.墨魚汁鳥結糖，好彈牙，最初肥黑蚊蚊有點抗拒，但食落好驚喜！3. 芝士墨魚丸，芝士味濃，手打墨魚丸彈牙，冇得輸！
仲有響鈴同炸魚皮，淥一淥就食得，好香，好食到停唔到口。
仲有好多火鍋配料可以加，但我食完呢d之後其實已經飽，不過老公仲有野想試，就試埋啦⋯
我地追加左菜、沙茶牛肉同芋圓，芋圓真係好煙韌，甜點咸食，好特別！
食完都天黑，可以欣賞夜景添！仲有甜品兩款任揀！
可惜今次同老公來食，我覺得同成班姊妹淘一邊涮下涮下，一邊飲酒吹水，打下卡影下夜景最爽！下次搵埋friend再黎過！
張貼
