影片
更多
2023-07-13
68 瀏覽
上個星期心血來潮想打邊爐，就同frd子嚟咗呢間位於牛頭角嘅「為食火鍋公司」，佢主打無限時火鍋盛宴，有好幾款火鍋套餐揀🥘今次我哋就嗌咗$288/位嘅套餐，一睇個餐牌就覺得umm幾得意喎，上面寫住Round 1- 4，每Round都會提供唔同種類既野食，重點係任食，真係非常抵食🔥！🚨不過去咗下一Round就冇得番轉頭，所以記得要食夠一輪先去下一輪啊🚨～👨🏻🍳Round 1 - 餐前小食有炸瘋薯條、甜蕃薯條、唐揚脆炸雞🍗、蟹籽沙律、酸甜炸大腸、鮑汁雞腳，六款餐前小食係無限添加，但我哋唔敢點太多，因為後面仲有3 Round，所以只係點咗唐揚脆炸雞同埋甜蕃薯條，要留肚🤭～👨🏻🍳Round 2 - 前菜令人食指大動嘅新鮮刺身，赤蝦又肥大又晶瑩剔透，厚切三文魚都好肥美，食落好鮮、好彈牙💟～👨🏻🍳Round 3 - 頭盤可以竉寵雞煲或(一次性)為食酸菜魚二揀一🧡我哋就揀左雞煲，整體嚟講偏濃味，未開始食巳經聞到陣陣香味～食落雞肉好嫩滑，每一舊雞都沾滿醬汁，味道好惹味。辣度係可以自定，因為怕太辣會食唔到就揀咗bb辣，估唔到個辣味都已經好出，鍾意食雞煲嘅朋友必試💁🏻♀️！👨🏻🍳Round 4 - 火
🚨不過去咗下一Round就冇得番轉頭，所以記得要食夠一輪先去下一輪啊🚨～
👨🏻🍳Round 1 - 餐前小食
有炸瘋薯條、甜蕃薯條、唐揚脆炸雞🍗、蟹籽沙律、酸甜炸大腸、鮑汁雞腳，六款餐前小食係無限添加，但我哋唔敢點太多，因為後面仲有3 Round，所以只係點咗唐揚脆炸雞同埋甜蕃薯條，要留肚🤭～
👨🏻🍳Round 2 - 前菜
令人食指大動嘅新鮮刺身，赤蝦又肥大又晶瑩剔透，厚切三文魚都好肥美，食落好鮮、好彈牙💟～
👨🏻🍳Round 3 - 頭盤
可以[任食]竉寵雞煲或(一次性)為食酸菜魚二揀一🧡我哋就揀左雞煲，整體嚟講偏濃味，未開始食巳經聞到陣陣香味～食落雞肉好嫩滑，每一舊雞都沾滿醬汁，味道好惹味。辣度係可以自定，因為怕太辣會食唔到就揀咗bb辣，估唔到個辣味都已經好出，鍾意食雞煲嘅朋友必試💁🏻♀️！
👨🏻🍳Round 4 - 火鍋盛宴 (揀咗高湯牛尾湯底，清清地都唔錯🤩)
(一次性)為食海鮮拼盤有齊鮮蝦、蠔、蜆、半殼元貝、脆肉鯇、白鱔片，同埋(一次性)為食牛肉拼盤有齊潮汕吊龍伴、黃喉、手切牛頸脊、熊本雪花一口牛・SRF和牛肩肉眼芯，jengs🤤！海鮮拼盤整體嚟講好新鮮，牛肉拼盤每款牛肉都幾好食，肉質鮮嫩口感柔軟，不過黃喉好似比較少見🤔，我都係第一次試，不過食落又唔錯啵，煮10秒左右就食得，入口好爽脆，未食過嘅話可以一試～其實食完兩個拼盤都已經好飽😂，不過呢度係無限時，食完唔夠喉可以繼續叫自己想食既火鍋配料慢慢食，有多達40款嘅火鍋配料任叫任食，用手機掃QR code落單就可以，唔使自己行出行入攞野食，蔬菜類配料同埋飲品就可以喺出面自助區自己拎～
$288/位可以無限時小食👉🏻刺身👉🏻任食雞煲👉🏻任食邊爐，實在太豐富啦，絕對可以捧腹而回！！😎
張貼
