寧記麻辣火鍋海鮮酒家 (已搬遷) 新店位置

我一向都食開銅鑼灣寧記,因為佢0既麻辣湯底真係好正,服務又幾好,後來搬左出九龍,咁就去試尖沙咀分店,真係去一次就無回頭。服務態度其差,湯底叫了麻辣拼沙爹,廚房來錯湯底,我地同落單個侍應講,個侍應居然堅持要搵番張單同我地核實係我地落錯單定係佢落錯單,佢話係公司規矩,Ｒ晒頭,最後當然佢錯啦,佢好0吾順氣入廚房叫廚房換番比我地,唉,個湯底出來又錯,最後要叫經理幫我地攪番掂,一個好簡單又最基本的湯底都攪左一輪,己經無乜好印象,一睇就知Ｄ員工根本無心記做野。食物方面,個麻辣湯底好稀,沙爹幾好,麻辣豆付同雞紅好勁鹼水味,肥牛0吾新鮮,芝十腸一碟差0吾多卅條,兩個人食腸都食飽,其他野普通。不清潔,我地坐卡位,個地下是跣腳的,張? 濕的,張檯有油跡,有半碟蒜容同辣椒,感覺好似上手食剩的,都0吾明白好地地點解要整排核突綠色珠鍊響廁所走廊位,掛得又矮,人人行過要用手撥開佢,如果0吾係塊面會HIGH到佢,好污糟。舒服,如果檯?乾淨的話…呢間野係算抵食,但我以後會去番銅鑼灣分店食,起碼果邊Ｄ員工熟手Ｄ同醒目Ｄ。