影片
更多
2008-06-10
21 瀏覽
正所謂一雞死一雞鳴, 大華酒店冇左後, 話咁快就變成另一間酒店-九龍諾富特酒店! 既然有新酒店, 就自然有新餐廳, 係新野師傅我當然要去試一試, 睇下呢間食店掂唔掂先!訂定位六點半前已經到達, 由於呢度嘅自助餐開始時間係六點半, 所以坐底後, 師傅即刻去巡視下, 睇下有咩好野食先! 左望右望發現有好多野食如壽司, 八爪魚刺身, 三文魚刺身等, 蟹柳, 日式螺肉, 香草法式焗田螺, 炸蝦, 凍海鮮, 沙律, 有蒸斑, 羊扒, 還有鐵板燒, 湯河, 咖哩, 甜品同雪糕等等, 各式其式, 應有盡有!於是乎師傅試左好多野, 好可惜師傅唔覺得有邊樣出色, 甚至乎好味都唔多覺有, 要數最好嘅師傅會推介香草法式焗田螺同咖哩! 香草法式焗田螺嘅田螺口感一流, 唔好硬同韌, 又冇沙, 加埋薯蓉好味, 唔錯; 而咖哩就揀左咖哩豬肉, 係比較特別d, 不過咖哩好香同幾辣, 豬肉夠鬆夠腍夠入味, 幾正!至於唔好味嘅要數有八爪魚刺身, 煙三文魚同埋凍蟹! 八爪魚刺身唔覺得佢新鮮, 加上又唔爽口, 腍到好似梅左咁, 師傅一放入口咬左幾下, 即吐, 難頂; 而煙三文魚就切得比較厚, 而口感比較膩, 食左一片後已經
訂定位六點半前已經到達, 由於呢度嘅自助餐開始時間係六點半, 所以坐底後, 師傅即刻去巡視下, 睇下有咩好野食先! 左望右望發現有好多野食如壽司, 八爪魚刺身, 三文魚刺身等, 蟹柳, 日式螺肉, 香草法式焗田螺, 炸蝦, 凍海鮮, 沙律, 有蒸斑, 羊扒, 還有鐵板燒, 湯河, 咖哩, 甜品同雪糕等等, 各式其式, 應有盡有!
於是乎師傅試左好多野, 好可惜師傅唔覺得有邊樣出色, 甚至乎好味都唔多覺有, 要數最好嘅師傅會推介香草法式焗田螺同咖哩! 香草法式焗田螺嘅田螺口感一流, 唔好硬同韌, 又冇沙, 加埋薯蓉好味, 唔錯; 而咖哩就揀左咖哩豬肉, 係比較特別d, 不過咖哩好香同幾辣, 豬肉夠鬆夠腍夠入味, 幾正!
至於唔好味嘅要數有八爪魚刺身, 煙三文魚同埋凍蟹! 八爪魚刺身唔覺得佢新鮮, 加上又唔爽口, 腍到好似梅左咁, 師傅一放入口咬左幾下, 即吐, 難頂; 而煙三文魚就切得比較厚, 而口感比較膩, 食左一片後已經唔吸引再食; 凍蟹就發覺肉質梅梅地, 食左啖後唔敢再食; 其他食物真係普普通通!
而師傅亦都唔多覺甜品有梳乎里, 唔知係咁啱冇定係師傅食到冇晒心機, 所以冇再出去搵同等喇, 所以對此亦冇寄望!
總括而言食物質素幾一般, 絕對唔吸引, 環境就幾舒服, 服務態度都令人滿意, 而價錢就一般, 二九八加一, 自助餐黎講不平不貴; 師傅覺得如果只要求食物嘅款式同選擇夠多, 但對味道冇咩要求的話, 呢間食店都可以滿足; 但師傅對自助餐嘅要求除左款式同選擇要多外, 味道亦都係好重要, 正所謂色 香 味, 缺一不可, 如果唔貴一定加分!
今次師傅覺得一d都唔抵食, 所以師傅應該唔會再去, 諗左好耐比咩臉口好, 最後都係決定比喊臉, 皆因一次就夠喇!
張貼