影片
更多
2021-10-01
2233 瀏覽
之前見好多人都話幾好，就諗住同屋企人試下，我地係10月1號去嘅，食5點到7點半。由頭開始講啦， 4:55上到去，門口勁多人排緊隊，跟住佢個門口位又勁窄，搞到全部人都塞死晒喺嗰度。都唔緊要啦，入到去坐靠窗邊卡位，窗台上面全部都係麈，同埋一啲食物嘅殘渣（蝦腳蝦鬚😥），見到都勁唔開胃。然之後出去夾蝦，超級多蝦反晒肚，應該係死左？不過有啲蝦都係好新鮮，所以還可以。同埋職員都有撈走死左嘅蝦。去到調味料區，調味料佢係放喺一個養金魚嘅魚缸上面，原本就應該幾靚嘅，但係我哋今日見到嗰兩條金魚係已經死咗同埋反晒肚，成件事變到勁核突，同埋好嘔心。飲品真係最差嘅，5點應該係晚市啱啱開始，但係個飲品櫃入面嘅嘢飲真係得幾包，就算後面啲職員有加返落去但係都完全唔凍，飲唔凍嘅嘢飲真係好難頂。其他熟食中規中矩。之前見好多評論啲人都話店員服務好好，但係唔知係咪因為我哋今日太多客人，所以成程都冇職員過嚟服務過我哋。不過都冇乜所謂☺️，自己整都有另一番風味。咁我哋交枱時間係7:15 ，咁大約7:00嘅時候就有職員過嚟提醒我哋仲有15分鐘，咁我哋就諗住快手咁燒埋剩低嘅嘢啦。當陣時網上邊仲有四隻蝦四個菠蘿，另外未燒嘅嘢仲有兩隻扇貝
由頭開始講啦， 4:55上到去，門口勁多人排緊隊，跟住佢個門口位又勁窄，搞到全部人都塞死晒喺嗰度。都唔緊要啦，入到去坐靠窗邊卡位，窗台上面全部都係麈，同埋一啲食物嘅殘渣（蝦腳蝦鬚😥），見到都勁唔開胃。
然之後出去夾蝦，超級多蝦反晒肚，應該係死左？不過有啲蝦都係好新鮮，所以還可以。同埋職員都有撈走死左嘅蝦。
去到調味料區，調味料佢係放喺一個養金魚嘅魚缸上面，原本就應該幾靚嘅，但係我哋今日見到嗰兩條金魚係已經死咗同埋反晒肚，成件事變到勁核突，同埋好嘔心。
飲品真係最差嘅，5點應該係晚市啱啱開始，但係個飲品櫃入面嘅嘢飲真係得幾包，就算後面啲職員有加返落去但係都完全唔凍，飲唔凍嘅嘢飲真係好難頂。
其他熟食中規中矩。
之前見好多評論啲人都話店員服務好好，但係唔知係咪因為我哋今日太多客人，所以成程都冇職員過嚟服務過我哋。不過都冇乜所謂☺️，自己整都有另一番風味。
咁我哋交枱時間係7:15 ，咁大約7:00嘅時候就有職員過嚟提醒我哋仲有15分鐘，咁我哋就諗住快手咁燒埋剩低嘅嘢啦。當陣時網上邊仲有四隻蝦四個菠蘿，另外未燒嘅嘢仲有兩隻扇貝。突然有個職員行過嚟，同我哋講，幫你熄咗個爐啊。我果下真係黑人問號❓正常如果見到個客仲有野未笑完都唔會去同佢講話幫佢熄咗個爐掛？已經勁無言。
去到19:10我地都食完，淨返媽咪食埋舊菠蘿，點知又有個職員過嚟問我地，啲嘢飲仲要唔要，咁我見咁你咪同佢講唔要囉，點知，犀利啦，佢一嘢就收晒我哋枱上邊全部嘅餐具，係真係掃落去😅，理所當然地枱上面嘅蝦腳，水，汁，全部都飛晒落我哋件衫度。單單係最後面呢兩件事，就唔會想再嚟。
Btw雪糕真係好好食。❤️
張貼