博多一幸舍 (已結業)

尋晚去speedo 買野,買完野落左下面food court食野,原來原本既food court已經變左身做拉麵決鬥場(Ramen Champion)。Ramen Champion係引入左6間日本好出名嘅拉麵店,邀請佢地黎香港比賽。費話唔多講, 即刻食野先。其實6間我都唔識,所以今次我是但揀左其中一間「博多一幸舍」,因為我見佢有隻半熟蛋同埋送多客餃子或者炸雞,好似好抵食咁,但係都要成90幾蚊,雖然宜家外面食拉麵都差唔多價錢。去到博多一幸舍門口揀完野食會比佢bb機你,我當初都唔知有咩用。當我地仲研究之際,點知佢無端端係咁震,原來佢係通知我地去拎野食。如果其他food court 都引入呢種技巧,就唔洗我地係咁走黎走去睇有野食未可以食野喇終於!!!湯底(豬骨濃湯底): 香香既豬骨湯,有層油喺個湯面,睇落都好似好油咁,食完又要減肥喇 飛完油之後,飲左兩啖湯,都唔係好咸咋喎,仲好香豬骨味。半熟蛋: 隻半熟蛋好流心,好香蛋黃味,正呀叉燒: 個薄切叉燒同外面嗰啲日本叉燒都差唔多,不過就好大塊,抵食!麵條: 都係一般既拉麵,但係食喺黎好煙韌,係我最鐘意嘅口感!!!!炸雞: 個炸雞好似有少少腍,唔係炸