影片
更多
2010-01-17
48 瀏覽
老闆阿JACK請我地班細路打邊爐, 揀左呢間近近地嘅"漁王世家"試吓.地方新裝修, 好光猛,有D氣勢. 我地一行五人都可以有間房坐. 食物方面, 當然要試吓海鮮啦: 象拔蚌刺身 (大隻約四百蚊), "魚立"魚, 花甲, 扉貝等, 樣樣都好新鮮!! 湯就一定要試推介嘅魚湯, 好足料, 好鮮甜 (約七十蚊). 老闆話各人要先飲一蜿湯, 先再用個湯嚟打邊爐. 牛肉有幾款可以揀, 都試過, 唔錯, 但自己鍾意海鮮多D. 其它火鍋料偏貴, 都要三四十蚊一款, 雖新鮮, 但唔抵食.唔知我地係咪食得太豪, 老闆好友善咁送左碟蝦同甜品(棉棉冰)俾我地, 而且會成日入嚟問我地D食物得唔得, 夠唔夠, 好招呼!!要多謝阿JACK, 有機會都會再嚟食過!!
地方新裝修, 好光猛,有D氣勢. 我地一行五人都可以有間房坐.
食物方面, 當然要試吓海鮮啦: 象拔蚌刺身 (大隻約四百蚊), "魚立"魚, 花甲, 扉貝等, 樣樣都好新鮮!! 湯就一定要試推介嘅魚湯, 好足料, 好鮮甜 (約七十蚊). 老闆話各人要先飲一蜿湯, 先再用個湯嚟打邊爐. 牛肉有幾款可以揀, 都試過, 唔錯, 但自己鍾意海鮮多D. 其它火鍋料偏貴, 都要三四十蚊一款, 雖新鮮, 但唔抵食.
唔知我地係咪食得太豪, 老闆好友善咁送左碟蝦同甜品(棉棉冰)俾我地, 而且會成日入嚟問我地D食物得唔得, 夠唔夠, 好招呼!!
要多謝阿JACK, 有機會都會再嚟食過!!
張貼