強記美食

營業中

休息中

買外賣潤腸雜錦糯米飯一碗，行十多分鐘回到公司，飯仍很熱辣辣，非常好。糯米飯好食，原有臘味料亦好，你見我成碗成晒。點知潤腸雜錦糯米飯條「膶腸」係「行」(音：銀行、金行、錶行個『行』) 嘅。講真我都吞左兩啖，想勉強食左佢，但「油益」味之重令我真係食唔落，相中有一啖就係我𡁻完𠼱番出嚟嘅。完，應冇下次，因為條潤腸搞成咁，有啲可惜。明人不做暗事，我都係有嗰句講嗰句。我影埋張單有冧把，我估舖頭嘅人看看時間亦可能有印象是那位食客，如覺得我有任何誣蔑貴店之處，歡迎留言交流。