影片
更多
2018-08-07
790 瀏覽
荃灣都有唔少位置冇咁亮眼，但水準唔錯嘅餐廳，就好似呢間catee，喺網上巨多好評，而今晚試左呢杯朱古力，實在令我印象好深刻，值得一讚。我地今晚收工過到來，大約八點幾鐘，成間鋪頭都已經九成滿座，好誇張，好在有預訂位置。店員帶我地就座，餐廳環境都幾有氣氛，暗暗地，又有吧枱位。既有情侶，亦都有朋友聚會，呢度都幾適合揭左menu好快就已經決定點兩份set dinner，今日有六款，有炸魚薯條、意大利麵、扁意粉、比目魚扒、安格斯牛板胛、羊扒等，價錢係158至378蚊，包左是日沙律、餐湯、飲品同甜品，由頭到尾齊哂。我地點左一份海鮮扁意粉、一份安格斯牛板胛，仲追加一份小食雞翼，非常豐富！是日沙律係煙三文魚沙律，幾精緻，仲係用羽衣甘藍，一D都唔hea。好快店員就送上餐包，有三個款式，食落都好鬆軟，仲配埋醋，幾開胃。餐湯應該係薯仔忌廉湯啦，打得好滑，而且本身好杰身，仲有薯仔口感，足料。海鮮忌廉汁燴扁意粉係推薦之選，份量不少，海鮮係用蝦仔、魷魚，仲有少量蜆肉等，醬汁稠度適中，加埋彩椒，其實creamy得來，幾香口。意粉掛汁度高，沾滿忌廉汁嘅香氣，食落又唔膩烤美國安格斯牛板胛，選擇呢份係由於一坐低見隔離位叫
揭左menu好快就已經決定點兩份set dinner，今日有六款，有炸魚薯條、意大利麵、扁意粉、比目魚扒、安格斯牛板胛、羊扒等，價錢係158至378蚊，包左是日沙律、餐湯、飲品同甜品，由頭到尾齊哂。我地點左一份海鮮扁意粉、一份安格斯牛板胛，仲追加一份小食雞翼，非常豐富！
是日沙律係煙三文魚沙律，幾精緻，仲係用羽衣甘藍，一D都唔hea。好快店員就送上餐包，有三個款式，食落都好鬆軟，仲配埋醋，幾開胃。
餐湯應該係薯仔忌廉湯啦，打得好滑，而且本身好杰身，仲有薯仔口感，足料。
海鮮忌廉汁燴扁意粉係推薦之選，份量不少，海鮮係用蝦仔、魷魚，仲有少量蜆肉等，醬汁稠度適中，加埋彩椒，其實creamy得來，幾香口。意粉掛汁度高，沾滿忌廉汁嘅香氣，食落又唔膩
烤美國安格斯牛板胛，選擇呢份係由於一坐低見隔離位叫，睇落幾吸引，所以先會點的。鐘意呢度上菜嘅細心，店員問我地係分開食定一齊食，於是幫我地安排逐碟上菜。牛扒上枱都有好大陣烤香，都感覺到味道會唔錯。點左七成熟，熟成度都合格，而且分成三份，方便share。以秋葵、薯蓉伴碟
牛板胛質地冇平時食嘅牛扒咁淋，屬於比較有嚼勁，個別食起上來仲會有的咁多韌。好在牛味濃郁，烤得香口，而且仲有肉汁。薯蓉值得一讚，打得滑溜，仲有奶油香。
香辣雞翼
餐牌轉左單骨雞翼，醬汁都由燒汁換成蜜糖芥茉咁，炸得香脆。
甜品係芝士蛋糕，質地結實，幾香芝士味。
飲品方面點左oero奶昔，奶香打得細滑，oero味唔算好重。另外最推介嘅呢杯朱古力，朱古力味香濃，唔單止飲到平時d hea嘅朱古力粉，仲有種好豐富嘅質感，又厚又滑，令人回味
張貼
