影片
更多
2015-05-27
1066 瀏覽
係荃灣一田行完街，剛好踫到晚飯高峰時間，間間餐廳都多人到爆。剛好見到呢間峰壽司唔駛排隊，所以就入左去食。平時食開元氣壽司，已經食到做會員，而呢間峰壽司真係未食過，所以都有D驚唔好食。但係門口見價錢都唔貴所以即管試下。見到個MENU都幾驚喜，因為有好多平時係香港普通連鎖式壽司店都未見過的壽司種類(起碼同一價格水平的壽司店，都未見過<頭盔MODE> )而且好多比較少有的魚都有得食，所以我地決定試下新野。首先，我地叫左個春之彩6點盛($75):櫻鯛、伊佐木、春池魚、針魚、呼子烏賊、鮟鱇肝三文魚雖然我唔駛分邊隻魚打邊隻魚，但魚肉都算新鮮，味道都鮮甜，而且鮟鱇肝三文魚都算幾少有，因為鮟鱇肝係好稀有。七十幾蚊算係好抵食。之後，都叫左D正常壽司:秋刀魚壽司、赤貝、海瞻軍艦、青蔥吞拿魚腩碎軍艦、三文魚子軍艦其實都係正常水平，因為有其他正野，呢D普通壽司就無咩大感覺。大致上都好味，價錢亦屬正常。當中，秋刀魚壽司水準算是比較突出，好味~ 呢個「一本海鰻魚」真係超超超超超超超超超級大條，而且都好厚肉，完全睇唔到舊飯。而且肉質嫩滑，鰻魚汁亦相當好味。超推介呢個「一本海鰻魚」~~因為之前食懷
剛好見到呢間峰壽司唔駛排隊，所以就入左去食。
平時食開元氣壽司，已經食到做會員，而呢間峰壽司真係未食過，所以都有D驚唔好食。
但係門口見價錢都唔貴所以即管試下。
見到個MENU都幾驚喜，因為有好多平時係香港普通連鎖式壽司店都未見過的壽司種類(起碼同一價格水平的壽司店，都未見過<頭盔MODE> )而且好多比較少有的魚都有得食，所以我地決定試下新野。
首先，我地叫左個春之彩6點盛($75):櫻鯛、伊佐木、春池魚、針魚、呼子烏賊、鮟鱇肝三文魚雖然我唔駛分邊隻魚打邊隻魚，但魚肉都算新鮮，味道都鮮甜，而且鮟鱇肝三文魚都算幾少有，因為鮟鱇肝係好稀有。七十幾蚊算係好抵食。
之後，都叫左D正常壽司:秋刀魚壽司、赤貝、海瞻軍艦、青蔥吞拿魚腩碎軍艦、三文魚子軍艦其實都係正常水平，因為有其他正野，呢D普通壽司就無咩大感覺。大致上都好味，價錢亦屬正常。
當中，秋刀魚壽司水準算是比較突出，好味~
呢個「一本海鰻魚」真係超超超超超超超超超級大條，而且都好厚肉，完全睇唔到舊飯。而且肉質嫩滑，鰻魚汁亦相當好味。超推介呢個「一本海鰻魚」~~
因為之前食懷石料理試過入口即溶的呑拿魚腩壽司同海膽軍艦，一直念念不忘。所以就叫左客呑拿魚腩壽司再叫個貴D的直送海膽壽司。雖然幾十蚊既呑拿魚腩壽司同人地千幾蚊一餐懷石料理的確係無可能比較，但峰壽司的呑拿魚腩壽司都算係大拖羅，肉質亦算肥美，油脂分佈都平均。雖然有少少筋，但呢個價錢都算抵食。而果個直送海膽壽司，果然貴野係唔同D，同頭先食到的海瞻軍艦完全唔同，鮮甜十足，識食一定食呢個。
我地最後仲叫個小食- 阿波尾雞翼，個MENU介紹阿波尾雞係德島當地相當出名，肉質嫩滑充滿彈性。個雞翼炸到幾脆口，但裡面肉汁依然豐富JUICY。好好味而且好大隻!
題外話/補充資料：
如果想食連鎖壽司店食到悶，可以試下呢間，價錢唔貴又有驚喜。
(以上食評乃用戶個人意見 , 並不代表OpenRice之觀點。)
張貼
