呢間野其實服務真係好好，所以就決定為佢寫一篇食評
我同兩位朋友打算落蘭桂芳玩
咁玩前就打算填飽個肚先啦，係網上見到呢間好少食評 所以就想泥試試
係地鐵站B1出口一上到泥過馬路去對面 就會見到一期一會
去到人客不多，可能因為位置問題，比較偏僻所以少人留意到卦
一去到我地就點左好多刺身，但一開始上菜比較慢
但過左一陣，就開始快返。
刺身
本新見人客比較少都冇乜信心，以為自己今次去錯地方，
點知刺身一到，我就知道自己泥岩地方，刺身好新鮮，又厚切
我點左三文魚、甜蝦、吞拿魚、鱆紅魚、意想不到係甜蝦佢真係好新鮮好甜！
刺身既選擇唔算少，但唔係好記得仲有邊D...但甜蝦我地３個人起碼食左百幾條
壽司
一期一會卷同花之戀都好正！必試！ 另外就係帶子壽司都係必試啦！
炸物
炸得好好，唔會話太粉，有炸蝦，炸茹子，炸南瓜，炸蠔，炸餃子
推薦炸南瓜同炸蠔！
小食
我地點左鹽燒雞腎同鹽燒軟骨、燒粟米、燒雞亦、燒帶子 好惹味！
推薦燒粟米 好甜好好味
飲品
佢有（涷／熱）檸茶檸水奶茶同汽水任飲
另外，
火鍋- 果度埋火鍋配料可以食埋火鍋，但因為我地都太飽既關係就冇試
拉麵- 果度都有幾款拉麵可以揀，細細碗一碗，但我地都因為太飽冇試
惟一唔係太好既就係冇鍋類食物...食物種類都差唔啦 ，就只係少左鍋類食物咁！
服務態度
我又覺得服務態度唔錯喎，Ｄ員工好NICE，好幾位都同我地有笑有講
而且好貼心，會行過泥好有禮貌問下我地仲有冇咩想要，有冇咩不滿果Ｄ
賣單果時，老闆仲私人送左３隻牡丹蝦俾我地！真係好感動啊！！！
價錢其實真係唔算貴，
佢有分兩種
１４８同１７８
分別就係會有Ｄ野食冇得揀，當然係比較貴價既食物
係要加一既！
我地三個人賣單４８８（我地揀左１４８個ＰＬＡＮ）
泥緊佢仲話會有個五人同行一人免費既PLAN
大家可以快D去試試啦
百幾蚊食到呢Ｄ有質素既野 係好好喇！！！！：）
下次有機會會再去！！！好掛住佢D甜蝦啊
