祥仔辣辣 (雅蘭中心) (已結業)

首先，大家都記得入左會先，The Good Story，因為有好多優惠，著數好多。從餐廳掛畫所見，招牌祥仔酸菜魚係必食推介，咁啱又見到有個二人套餐，原價$388，會員優惠價$288。包括兩個前菜：水晶酸辣粉和川味口水雞，個人認為幾辣，記得叫杯凍飲先食。主菜有三款可以選擇，我當然揀左招牌祥仔酸菜魚啦！唔辣，湯都可以飲埋，仲酸酸地幾開胃。仲有一個乾煸四季豆，叫多個白飯就一流。菜肉水餃上面有蒜蓉，都幾好味。噴火小籠包，真係有啲辣同好搶味，個人認為失去原本小籠包的精髓。是日甜品係凍紅豆沙，今日食左咁多辣野，呢碗凍冰冰既紅豆沙，簡直係最好既結尾。