馬祖 (將軍澳廣場) (已結業)

今日6點幾同朋友睇完mario，見天氣涼涼哋想打個邊爐，之前食過馬祖其他分店，質素都幾好！今次諗住近近地試吓將軍澳分店，點知一試出事😤我哋一行幾人，因為即興，無預先訂位嘅關係，等位已經將近等咗1個鐘，唔緊要嘅，香港閒閒地無訂位都將近要等咁耐🤗 但係，差唔多排到我哋嘅時候，有位態度唔係幾好嘅職員小姐走嚟同我哋講，要分枱坐喎😱喂，小姐！我等咗1個鐘你先同我講要分枱坐？早講，我慳返過1個鐘唔食你嘛😤 我哋幾個朋友一齊嚟梗係想一齊坐㗎啦🙄 呢位職員小姐仲要係態度好差咁同我哋講話：「係咁㗎喇！你哋無訂位係無得一齊坐㗎喇！你去第二間食囉」咁你早講我食第二間嘛😤 佢仲要話佢自己咁忙邊得閒講🙄🙄🙄🙄🫥🫥🫥🫥我企係到成個鐘我只係見到你班所謂好忙嘅職員全程係到玩電話囉唔該🫥🙄我哋等咗呢1個鐘受咗好多氣，真係食唔落你哋嘅氣呀😡🤬 馬祖！唔知會唔會再有下次！但將軍澳分店一定無下次😤😤🫥