影片
更多
2025-08-19
0 瀏覽
講到搵自助餐，我真係試過唔少，最近終於俾我搵到間超啱食嘅，就係屯門悅品酒店2樓嗰間The Platters嘅海皇盛宴自助晚餐！記得一定要book位，如果唔係可能冇位～一去到，第一感覺係地方確實唔算大，但係你知啦，香港寸金尺土，呢度勝在夠晒精緻，而且全部都係圍繞住海鮮主題，對於我呢個海鮮控嚟講，簡直係天堂啊！首先講下冷盤同刺身區，冰鎮海鮮台有蟹腳、麵包蟹、藍青口、翡翠螺、蝦等，供應充足，補貨好快。我最鍾意蟹腳，肉質飽滿，鮮味十足，蘸少少醋，正到爆！刺身區有三文魚、魷魚、北寄貝、赤蝦等，新鮮度高，入口爽滑。跟住到熟食同燒烤區，「忌廉牛油白酒煮波士頓龍蝦」好正，龍蝦肉彈牙，滿是忌廉同白酒香，濃郁又唔膩。黑胡椒肉蟹都好惹味，蟹肉飽滿。仲有彩椒翡翠炒龍躉球，龍躉球好嫩滑；避風塘炒蜆，又香又脆，蜆肉鮮甜。燒原條穀飼肉眼扒火候啱，肉汁多、口感粉嫩。食完鹹食，試下甜品。有朱古力噴泉，蘸水果食好香滑；仲有多款西餅蛋糕，仲有 Häagen Dazs 同 Mövenpick 雪糕，食返杯好滿足。仲有，酒店住客同餐廳食客（消費滿 HK$200）去兒童樂園同水療中心，可享5折優惠，帶小朋友幾抵。酒店離港鐵屯門站
講到搵自助餐，我真係試過唔少，最近終於俾我搵到間超啱食嘅，就係屯門悅品酒店2樓嗰間The Platters嘅海皇盛宴自助晚餐！記得一定要book位，如果唔係可能冇位～
0 瀏覽
0 讚好
0 留言
一去到，第一感覺係地方確實唔算大，但係你知啦，香港寸金尺土，呢度勝在夠晒精緻，而且全部都係圍繞住海鮮主題，對於我呢個海鮮控嚟講，簡直係天堂啊！
首先講下冷盤同刺身區，冰鎮海鮮台有蟹腳、麵包蟹、藍青口、翡翠螺、蝦等，供應充足，補貨好快。我最鍾意蟹腳，肉質飽滿，鮮味十足，蘸少少醋，正到爆！刺身區有三文魚、魷魚、北寄貝、赤蝦等，新鮮度高，入口爽滑。
跟住到熟食同燒烤區，「忌廉牛油白酒煮波士頓龍蝦」好正，龍蝦肉彈牙，滿是忌廉同白酒香，濃郁又唔膩。黑胡椒肉蟹都好惹味，蟹肉飽滿。仲有彩椒翡翠炒龍躉球，龍躉球好嫩滑；避風塘炒蜆，又香又脆，蜆肉鮮甜。燒原條穀飼肉眼扒火候啱，肉汁多、口感粉嫩。
食完鹹食，試下甜品。有朱古力噴泉，蘸水果食好香滑；仲有多款西餅蛋糕，仲有 Häagen Dazs 同 Mövenpick 雪糕，食返杯好滿足。
仲有，酒店住客同餐廳食客（消費滿 HK$200）去兒童樂園同水療中心，可享5折優惠，帶小朋友幾抵。酒店離港鐵屯門站F1出口只需3分鐘步程，食飽仲可以去鄰近大型商場行街，或者喺屯門站或者V - City望下酒店，有隻6米高巨型小企鵝，打卡一流。
總體嚟講，呢個價錢食到咁多高質海鮮同其他美食，超抵食，絕對值得推介！
張貼
