入到去，發現一個人都冇，星期六夜晚！八點！包晒全場！？都知係伏啦，即刻由套餐轉做散嗌，捻住食少幾樣即閃，點知都勁差！
簡單來講，看評價麻煩仔細篩選，仔細看D相可以看出間舖通常都係冇人幫趁，特別將這段寫高D，請大家一定skip這間廢野，相信我，哩個價錢你值得食到更好嘅一餐，以免影響心情！
和牛鵝肝多士：500兩件，薄到細件到多士一半都唔夠⋯不過已經係全場味道最易接受嘅一款，起碼自助餐質素有達到，幾香口⋯
和牛拼盤：598，有四個部位，牛舌，西冷，肩胛同三角腩（如冇記錯）其中有兩個部位咬落全！部！都！係！筋！！！根本咬唔到！！！不知所謂！同店員投訴，還算客氣，補左三片，但係雪到硬邦邦⋯⋯⋯多謝嗮⋯⋯⋯最好食係兩塊粟米，都算甜。
蟹腳鍋：598左右，記唔到detail。算係少人提到嘅款，亦係最伏果個，大家睇相就知。全部D海鮮都係霉嘅，唔新鮮過D佳寶冷凍貨！個湯一D鮮味都冇！價格配埋咁嘅質素，係想打去消委會投訴果種！
