爸B燒

營業中

休息中

最近同個朋友講笑話年紀大左好少食宵夜，不如就約番次，同埋可以交換mon Hunt  心得，就約左係依間串燒店見面。估唔到10點都甘多人！ 首先都係吃少少菜打底，個人好中意燒韮菜同埋燒茄子，韮菜燒得剛好，吃落仲好脆口。茄子一定要叫，滿滿既蒜蓉配上茄子肉真係好正。金菇肥牛都唔錯。 朋友就叫左蜜汁燒雞翼，表皮香脆而內里爆汁。厚切牛舌真係好厚，啖啖肉。炭燒豬頸肉上菜既時侯已經切開左，仲有泰式醬料，酸酸甜甜幾開胃。椒鹽燒賣估唔到甘正，外皮炸到好脆，加上孜然辣椒粉，好惹味。 海鮮既話就覺得生蠔，白鱔都值得叫，特別係生蠔，非常新鮮爆汁又鮮甜。店員有介紹依加燒海蝦8蚊一串，大大隻勁抵食，仲要食落新鮮彈牙，調味好足。 傾到甘上下都叫多左個泰式金邊粉，隻味同平時既炒金邊粉唔同，依度比較濕炒，蕃茄醬味比較出，食落係有鍋氣的，幾好。 整體黎講依度食物質素幾高，特別係海鮮，好高質。雖然店鋪細細但出品完全超班，一定再黎。