一方堂居酒屋

營業中

休息中

今日約咗朋友去尖沙咀行街 跟住去到食肆林立嘅厚福街搵食 見到一間開咗冇耐嘅日式居酒屋 上去試吓先 電梯門一開 已經見到和式設計嘅居酒屋 地方雖然唔係好大 但總算簡潔整齊 每個店員亦彬彬有禮 揀咗近窗口位置嘅枱 望住街景食嘢都開胃啲 見到牆上嘅寫滿廚師菜式 種類煩多 有小小選擇困難症 終於揀咗鹿兒島黑豚腩鍋 南蠻炸雞 壽司 同埋兩款好大杯嘅梳打 壽司 ： 帶子壽司 八爪魚壽司 左口魚群邊壽司 每款海鮮都好新鮮 廚師加咗獨有嘅醬料 令到飯團好好味炸物 ： 南蠻炸雞 一啲都唔肥膩 醃得好入味 炸得外脆內軟 一啖一𡚒 要嚟送酒 一流鹿兒島黑豚腩鍋 ： 黑豚肉肥瘦適中 厚薄切特個星期啱啱好 豬骨湯底好濃郁 配菜又夠多 因為個湯底夠濃 所以每條菜同豆腐都沾滿湯汁，完全唔需要點醬油仲要叫咗兩杯海量飲品 ： 水蜜桃乳酸梳打 菠蘿乳酸梳打最後當然要食埋個甜品啦 ： 菠蘿雪葩朋友係菠蘿控 見到外型精緻嘅雪葩 菠蘿又清新香甜 幾乎要食多個 食完呢個甜品 簡直係為呢個豐富嘅晚餐畫上完滿嘅句號