更多
2016-07-11
447 瀏覽
早前朋友約我嚟尖沙咀間大一去恰下恰下,咁我未食過就緊係即刻問下google大神佢嘅質素如何啦,上網見到d人大讚呢度嘅食物性價比一流,材料新鮮同特別,已經好期待餐飯會點。醒目嘅我緊係book左位先去,唔駛等位嘛。一出lift,未行到門口已經聞到陣陣既香味,口水都流曬落嚟。坐底第一件事緊係嗌左個湯底先,我地就揀左個花甲皇鍋,貪佢甜得嚟又有少少花甲食。恰野之前睇睇個湯底...嘩!睇得出店主對味道嘅追求係幾咁認真,個湯好有層次,D胡椒惹味得嚟又唔會掩蓋左花甲既鮮甜。正!嘢食方面,首推蟹膏豬肉丸,一咬開粒丸,裏面嘅肉汁就係咁流出黎慢慢會嘗到好濃郁嘅蟹膏味,但係一啲都唔漏,係一款幾唔錯既fusion火鍋配料。重有魚下巴,愛魚之人不能不吃,雖然魚味較淡,但肉質非常鮮嫩,加上花甲皇鍋既精華,打邊爐都可以好鮮甜。如果唔夠飽嘅,可以嗌多碟女王粉,打邊爐唔想成日烏冬米線公仔麵?又嫌紅薯粉太難咬?女王粉就啱曬,有咬口得黎又唔太韌,索囇湯底既味,又好食又夠飽。如果唔嫌肥,連湯一齊飲埋,又係一大享受。另外都要讚下佢地既野飲,聽店長講係佢地自己煲,又好飲又健康,我地嗌左紫貝天葵,有d似山楂茶,酸酸地好開胃,食濟左飲
醒目嘅我緊係book左位先去,唔駛等位嘛。一出lift,未行到門口已經聞到陣陣既香味,口水都流曬落嚟。
張貼