酒鍋 (天文臺道) (已結業)

秋風起，涼涼地，涼涼地有咩好做? 緊係約埋朋友行山，野餐，BBQ同打邊爐啦~ 所以，秋日活動第一擊就係先去打邊爐烚下烚下啦。今次同朋友揀左酒鍋，網上食評唔錯，一於黎試下虛實先。一入到去，發現裝修真係好型格新潮，同平時酒樓或者麻甩火鍋店好唔同，我地四個人坐卡位，好闊落，一D都唔迫。今次我地揀左呢排大熱既巨無霸芫荽鍋 $288，芫茜下有四款湯底，有清湯白蘿蔔牛腩，四川麻辣，喇沙海鮮同埋蕃茄薯仔豬骨湯。四款湯底入面唔係淨得湯，有埋湯料，好似清湯白蘿蔔牛腩，真係有好多舊牛坑腩同白蘿蔔，火鍋料未到都可以食住先，加埋D芫茜落去，湯底即刻充滿芫茜既香味，正呀。介紹下D火鍋料先，牛元帥拼盤 $398，打邊爐一定要食牛肉啦，呢個拼盤有充滿雪花既靚肥牛，牛舌，同埋牛柳粒。淥一陣就食得，肥牛夠淋有牛味同充滿牛油香，點少少麻醬食一係一流。頂級蒙古涮羊片 $68羊肉只有少少羊騷味，食落唔UN，比牛肉有少少口感，$68大大碟，抵食!開心小企鵝 $88/3粒好得意既手工做小企鵝，其實係墨汁丸黎，爽口彈牙，真係有創意又好食。七星報喜 $887粒都係墨魚丸，入面就有唔同味道，粒粒有驚喜。鴨血 $68鴨血好少係香港食到，