馬六 (已結業)

今日約埋成班friend去食晚餐。見尼間餐廳幾多人食，就入左去食。間餐廳主打喇沙同海南雞飯，所以我地一行四人都叫左尼兩樣黎食。我就叫左海南雞飯，啲雞嘅分量幾多，全部都係去骨，最啱我尼啲懶人。啲雞好滑，再配埋三種醬，質素好，推介! 試食左個friend嘅喇沙摻摻，個湯底好濃郁，加上少少辣味，令人胃口大開。中意嘅 可以加少少青檸汁，味道會變得十分清新。 另外呢款面嘅材料亦都十分之豐富，有魚蛋同 豆卜 。而佢嘅麵條係由米粉再加上油面，分量十分之多。 我哋亦都另外點咗一個小食拼盤裏面有春捲咖哩角 雞肉串和 雞翼。 我覺得裏面每一款都好好味，唔會太油膩 味道啱啱好。而且四個人分量亦都啱啱好。