平成二十二日本料理 (已結業)

今日係第一次去食平成二十二，感覺服務同食物都好，係值得再去的餐廳!佢分兩段時間6:30至8:30 or 8:30至10:00。我地行到過去都7點諗住第一輪應該冇咁多人，but估唔到已經坐有一半以上坐滿人。環境唔錯唔會好嘈，一入去見到有bar枱不過老闆都比我地坐六人枱……哈哈超正!坐低就有職員話啤酒汽水任飲同送一人一隻鮑魚，職員有禮貌樂於解答問題食，物上得好快又冇漏單唔駛成日崔。 食物唔錯壽司刺身好多款好新鮮，另外揚物同燒物好出色，炸野唔會食到成口油...尤其係：自家制南瓜餅：南瓜餡唔會散好滑又有南瓜ge甜味…..超正 平成炸雞：上菜時見佢咁大舊諗會唔會好鞋嫁…食落又唔會喎d肉好滑，另外仲有個汁可以醮黎一齊食。鹽燒鯖魚：外皮好脆，應該係煎完即刻上菜，d肉夠味又唔係好實 芝士年糕：d年糕好煙韌唔會得舊粉咁一咬即斷蝦天婦羅：外皮好脆，隻蝦好新鮮彈牙 串燒日本冬姑同鹽燒雞翼：燒物都唔錯，唔會燒到過火”乾真真”咁 最後我地好豪氣咁叫晒6款雪糕有朱古力,紅豆,芝麻,豆腐,曲奇同綠茶味。 食埋甜品超滿足，198加一食到咁多好味ge野勁抵呀，一定會再返黎呀。