影片
更多
2021-01-27
58 瀏覽
今日同老公經過廈門街，竟然比我見到有哩間餐廳，於是我要求落車買外賣！哩間食壽司卷物嘅舖頭，之前喺中環都見過，不過每次見親都係食飽飯，所以從來都冇機會試。入到去有一張「點心紙」可以揀佢set好嘅卷物，又或者自選配搭。由於我第一次嚟，所以我先試吓佢set好咗嘅卷物。我叫左一個Beef-Iyaki 同lobster roll。壽司即叫即整，等候時間唔算太長，大約等左5分鐘，見到師傅用火槍噴啲三文魚，真係好期待😌😌Beef-Iyaki: 有牛肉丶炸蒜片丶牛油果丶青瓜絲、腐皮丶蟹子牛肉同腐皮都好入味，加咗啲青瓜絲同牛油果，令到成個壽司味道平衡番，唔會太濃！炸蒜片同蟹子絕對係增加口感🤤🤤雖然一盒得四件，但係每一件都好大舊。Lobster roll: 有龍蝦沙律丶牛油果丶三文魚丶醃蘿蔔丶蘆筍龍蝦沙律唔算少，再加上蘆筍同醃蘿蔔，口感勁爽，之後用牛油果包住，而最外面嗰層有火炙三文魚，同埋自家製嘅醬，所以食起上嚟都好豐富，一盒八件真係要同人分享先得凍櫃有好多好特別嘅飲品，我被一支”富士山”吸引左！其實佢係柚子碳酸飲料，但係第一啖飲落去，真係有一種無法形容嘅好飲，佢有啲似韓國柚子茶嘅味道，但加左啲梳打，所以
哩間食壽司卷物嘅舖頭，之前喺中環都見過，不過每次見親都係食飽飯，所以從來都冇機會試。
入到去有一張「點心紙」可以揀佢set好嘅卷物，又或者自選配搭。由於我第一次嚟，所以我先試吓佢set好咗嘅卷物。
我叫左一個Beef-Iyaki 同lobster roll。壽司即叫即整，等候時間唔算太長，大約等左5分鐘，見到師傅用火槍噴啲三文魚，真係好期待😌😌
Beef-Iyaki: 有牛肉丶炸蒜片丶牛油果丶青瓜絲、腐皮丶蟹子
牛肉同腐皮都好入味，加咗啲青瓜絲同牛油果，令到成個壽司味道平衡番，唔會太濃！炸蒜片同蟹子絕對係增加口感🤤🤤雖然一盒得四件，但係每一件都好大舊。
Lobster roll: 有龍蝦沙律丶牛油果丶三文魚丶醃蘿蔔丶蘆筍
龍蝦沙律唔算少，再加上蘆筍同醃蘿蔔，口感勁爽，之後用牛油果包住，而最外面嗰層有火炙三文魚，同埋自家製嘅醬，所以食起上嚟都好豐富，一盒八件真係要同人分享先得
凍櫃有好多好特別嘅飲品，我被一支”富士山”吸引左！其實佢係柚子碳酸飲料，
但係第一啖飲落去，真係有一種無法形容嘅好飲，佢有啲似韓國柚子茶嘅味道，但加左啲梳打，所以飲落去唔會覺得啲柚子味好假！
張貼
