宮崎日式燒肉店 (已結業)

我覺得基本上過往ge食評有大部份都係寫手ge，好多都係得一篇gei食評，雖然我都係....呢間燒肉店唯一好處就係新開張期間，有一隻其大無比ge蝦奉送，先至叫做抵食。如果冇得送gei話，以佢gei價錢，七點半黃金時段計埋加一服務費，要$2xx一位，就有點那過啦。我都知任食gei一定唔係日本貨，就算係，依家香港人都未必夠膽食。但都可以入外國貨ga，冇得食日本和牛或甜蝦，都可以食加拿大甜蝦、澳洲和牛呀，無論係海鮮或肉類都可以係呢D地方入貨。宮崎D豬肉牛肉gei品質真係唔得，絕冇一咬落去好軟lum lum，好juicy感覺。D魚生刺身唔夠鮮味，完全冇味，除希靈魚係咬落一定索索聲外，都唔知放左乜入口。不如平平地去登打士街gei二千兩，冇乜要求，佰幾蚊落樓。一係就去對面盛八嘆靚食材，埋單都係二佰幾三佰蚊位。總好過現在高不成，低不就。最最最不知所謂gei係燒烤網要俾錢先有得換新。大佬呀，燒到咁上下個網已經黑晒啦...點食ar。出面免費換ga，咁都慳不如唔好開啦。