山旮旯 (已結業)

之前已經想同朋友去試晚飯，環境唔錯，但去到已經無位。今次就改左食Tea 。去到坐低，叫左4樣野食。蜆配蒜蓉包，白酒牛油汁，牛油同白酒分離哂，真係水溝油，好似牛油清咁。西冷牛扒配薯條，燒汁，錯成數，4成變9成，扒乾。之後換過塊牛扒，好快就出到，唔算熱，似係燒左兩邊就出。燒汁有燶味，明顯燶底。薯條有油益味。因為無跟茄汁，所以問樓面有無茄汁，但唔知係咪因為忙，個員工唔記得左，問第二次先拎到。從頭到尾個女員工都好幫忙。但重點係，我見到出牛扒嘅廚房員工無帶口罩！😷雞軟骨，叫左無嚟，最尾睇單完全無落過單。ColdBrew ，咖啡有酒味，夾硬飲左大半，去到尾又酸又臭。但見佢出依杯咖啡嘅時候有聞過個咖啡有無事，但點解唔發覺臭？其實服務無咩問題，正正常常，但野食真心唔得。