影片
更多
2018-03-06
633 瀏覽
上海菜可以話係我最愛既菜系！去開apm，當然唔少得去完成to eat list啦可能仲係新年前後，做功課果陣見到既午市套餐係暫停供應既，不過唔緊要，我想食既野都係無變嫁！入到去環境好好，裝修到古色古香咁，地方乾淨企理餐具都好中國風～雖然一坐低就order左老北京炸醬拌麵，但係可能因為雞絲粉皮係凍食既關係，雞絲粉皮到先份量好多呀！係我食過最大份既雞絲粉皮！平時食果啲兩三啖就清碟，哩到既就唔會雞絲比得都幾大方，反而青瓜絲就無平時果啲咁多。粉皮好似先係重點！試左一啖粉皮，即刻心心眼，不得了！好好食呀！粉皮凍凍地，好彈牙！其他地方既粉皮都係軟淋淋唔洗咬就斷既，但哩到唔同，煙煙韌韌咁，好有口感，作為煙韌控既我，超級滿足呀雞絲就正常，無咩特別。順帶一提，佢麻醬落得超多，我比較淡口味，所以係哩到扣咁啲分，下次叫少醬先＞＜雖然青瓜絲唔多同埋麻醬多，但可能因為粉皮凍，食落都唔會好漏。輕鬆清碟，推薦我地食雞絲粉皮食左一半先送到。聽講麵條係手工即製，試下先！一黎到其實好開心，因為好多碟配料，好似好正咁。侍應會問要自己撈定佢幫我地撈，我就梗係自己黎啦有得影相之餘仲可以玩下添～好好彩係自己撈咋，因為炸醬入面有好
去開apm，當然唔少得去完成to eat list啦
可能仲係新年前後，做功課果陣見到既午市套餐係暫停供應既，不過唔緊要，我想食既野都係無變嫁！
入到去環境好好，裝修到古色古香咁，地方乾淨企理
餐具都好中國風～雖然一坐低就order左老北京炸醬拌麵，但係可能因為雞絲粉皮係凍食既關係，雞絲粉皮到先
雞絲粉皮
$68
39 瀏覽
0 讚好
0 留言
雞絲比得都幾大方，反而青瓜絲就無平時果啲咁多。
粉皮好似先係重點！試左一啖粉皮，即刻心心眼，不得了！好好食呀！
粉皮凍凍地，好彈牙！其他地方既粉皮都係軟淋淋唔洗咬就斷既，但哩到唔同，煙煙韌韌咁，好有口感，作為煙韌控既我，超級滿足呀
雞絲就正常，無咩特別。
順帶一提，佢麻醬落得超多，我比較淡口味，所以係哩到扣咁啲分，下次叫少醬先＞＜
雖然青瓜絲唔多同埋麻醬多，但可能因為粉皮凍，食落都唔會好漏。
輕鬆清碟，推薦
老北京炸醬拌麵
$78
38 瀏覽
0 讚好
0 留言
我地食雞絲粉皮食左一半先送到。聽講麵條係手工即製，試下先！
一黎到其實好開心，因為好多碟配料，好似好正咁。
侍應會問要自己撈定佢幫我地撈，我就梗係自己黎啦
有得影相之餘仲可以玩下添～
好好彩係自己撈咋，因為炸醬入面有好多油呀！我慢慢整走啲油先，自己郁手健康啲呀！
配料有花生、芽菜、芹菜粒、青瓜絲、蔥粒同主角炸醬。
撈埋左之後，唔似平時食既炸醬麵咁重口味同油膩，始終配料都係蔬菜多同埋麵既份量唔少，味道偏清唔會鹹，係我中意既！但重口味、追求啖啖炸醬既人就可能唔啱口味啦！
果然！麵質無令我失望！麵條算少粗，咬落唔會粉，煮得唔會過淋，有質感既果種！正呀
配料方面，花生鹹香脆口、青瓜絲略嫌太幼無口感、芽菜煮過係淋既，蔥粒芹菜粒無咩特別，炸醬雖然碗入面有好多油，扣左少少分，但係佢選用既肉唔係肥肉，係瘦肉黎，唔好肥肉既我係可以唔洗篩選咁食落肚
所有配料撈勻之後，頭頭既麵就無咩味，但食到尾，撈埋啲炸醬同蔬菜，加埋彈牙既麵，好食
服務方面，員工都好留意客人既動態，拎起menu睇下就行過黎問係咪落單，會主動加水，但係啲野未食完就好食想黎收咁，比人一種想你快啲走既感覺，如果唔急住收野，就無得頂啦！
雖然係平日下就，但放飯時間都好多工廈、office既員工去食午餐，都幾多人嫁。好多台都食雞絲粉皮同小籠包，下次試試個小籠包睇下係咪咁得先。好多人都話佢個北京填鴨好正，下次黎一定要試下！
食物質素真心可以講係好好，雖然價錢未算親民(有$7茶芥同加一)，但勝在份量公道、味道取勝值得一試！
張貼
