影片
更多
2025-03-30
241 瀏覽
📍源記甜品小食 🔎天后永興街2A-2E號美城花園大廈地下B號舖-----路過天后誤打誤撞見到呢間源記甜品小食，以為係扮緊以前好出名個間西環老店源記甜品，點知上網一search，發現原來人地係正版黎～佢地竟然靜悄悄咁係天后重開咗！新店裝修好企理，座位比舊店寬闊好坐多好多，餐牌裡面小食比以前多咗選擇，而招牌野就全部都依然係曬餐牌。#桑寄生蓮子蛋茶、蓮子每日人手逐粒逐粒去芯，食落粉綿粉綿的，桑寄生糖水低甜滋潤，補而不燥，而裡面嘅雞蛋亦超入味，整體質素一如既往，依然係鎮店招牌嘅水準。#清蛋糕(全蛋雞蛋糕）佢地嘅蛋糕係用傳統懷舊做法，材料得三種，分別係蛋，糖，麵粉，無任何發粉，所以質感上會比較扎實，蛋味濃郁。#核桃糊核桃經過浸，焗，炒等工序，繼而用石磨生磨，香港大部分嘅甜品鋪都無再用石磨機自家磨，呢間係為數極少嘅其中一間，且行且珍惜。#豬皮魚蛋：咖喱濃郁帶微辣，豬皮彈牙，魚蛋魚味香濃。
🔎天后永興街2A-2E號美城花園大廈地下B號舖
-----
路過天后誤打誤撞見到呢間源記甜品小食，以為係扮緊以前好出名個間西環老店源記甜品，點知上網一search，發現原來人地係正版黎～佢地竟然靜悄悄咁係天后重開咗！
新店裝修好企理，座位比舊店寬闊好坐多好多，餐牌裡面小食比以前多咗選擇，而招牌野就全部都依然係曬餐牌。
#桑寄生蓮子蛋茶、
蓮子每日人手逐粒逐粒去芯，食落粉綿粉綿的，桑寄生糖水低甜滋潤，補而不燥，而裡面嘅雞蛋亦超入味，整體質素一如既往，依然係鎮店招牌嘅水準。
#清蛋糕(全蛋雞蛋糕）
佢地嘅蛋糕係用傳統懷舊做法，材料得三種，分別係蛋，糖，麵粉，無任何發粉，所以質感上會比較扎實，蛋味濃郁。
#核桃糊
核桃經過浸，焗，炒等工序，繼而用石磨生磨，香港大部分嘅甜品鋪都無再用石磨機自家磨，呢間係為數極少嘅其中一間，且行且珍惜。
#豬皮魚蛋：咖喱濃郁帶微辣，豬皮彈牙，魚蛋魚味香濃。
張貼
