影片
更多
2013-05-19
194 瀏覽
又一晚老公放工晚了，唔知食乜好，諗住喺兩人既中間地點旺角相見，先晚飯後回家，感覺少點晚吃既罪惡感，所以想起久久未試既近又吉列豚肉呢！這家吉列豚肉專間店開了很久了，一直沒提起勁去試，差一點以為食店要關門都未試倒佢既招牌呢！二人點了一個厚切吉列豚肉(即豬扒)定食($118)﹑吉列千層芝士豚肉定食($148)及一口吉列芝士，再加兩杯普通特飲(分別係芒果綠茶及菠蘿特飲共$40)。食物未上時，我地磨住芝麻等食，感覺較乾等良好。吉列豬排定食先上，定食包一碗味道不錯既味噌湯﹑無限添吃既白飯及椰菜絲。本來加$10可選15穀米飯，但是晚沒有。又...本來椰菜可選角切或切絲的，但是晚又只有椰菜絲，我本身只接受椰菜絲，所以倒沒所謂，配蘋果沙律油吃已可送一碗飯。講番豬扒，真的夠厚，看樣子已覺美味，食落算鬆化，豬扒醬普通，反而配芥辣一流，正！跟著主角千層芝士豚肉定食也來了，賣相好得，感覺真的好芝味，食落口感不錯，比淨豬扒鬆化，不過多吃應會覺膩。一口芝士跟圖片有少許出入，依圖看應是用較深色車打芝士，但來的郤像水牛芝士，較淡口及口感差了一點。食食下發現我地睇漏一個小吃餐牌，貪心既我懶理肚空間有限，多點了炸蟹鉗及吉列
這家吉列豚肉專間店開了很久了，一直沒提起勁去試，差一點以為食店要關門都未試倒佢既招牌呢！二人點了一個厚切吉列豚肉(即豬扒)定食($118)﹑吉列千層芝士豚肉定食($148)及一口吉列芝士，再加兩杯普通特飲(分別係芒果綠茶及菠蘿特飲共$40)。
食物未上時，我地磨住芝麻等食，感覺較乾等良好。吉列豬排定食先上，定食包一碗味道不錯既味噌湯﹑無限添吃既白飯及椰菜絲。本來加$10可選15穀米飯，但是晚沒有。又...本來椰菜可選角切或切絲的，但是晚又只有椰菜絲，我本身只接受椰菜絲，所以倒沒所謂，配蘋果沙律油吃已可送一碗飯。講番豬扒，真的夠厚，看樣子已覺美味，食落算鬆化，豬扒醬普通，反而配芥辣一流，正！
跟著主角千層芝士豚肉定食也來了，賣相好得，感覺真的好芝味，食落口感不錯，比淨豬扒鬆化，不過多吃應會覺膩。一口芝士跟圖片有少許出入，依圖看應是用較深色車打芝士，但來的郤像水牛芝士，較淡口及口感差了一點。食食下發現我地睇漏一個小吃餐牌，貪心既我懶理肚空間有限，多點了炸蟹鉗及吉列芝士漢堡(小吃價錢約$28-38左右)。炸蟹鉗味道普通，而吉列芝士漢堡因為內有洋葱，所以我不吃。(芝士又係水牛芝士，看來是晚得番此品種呢！還好千層豚肉既芝士係車打那種， 要不味道定必大打折扣！)
總括嚟講，食物水準不錯，不過要是下次再來，可能我只會點回普通既厚切吉列豚肉呢！點解？偏膩既芝士豚肉吃一次便夠了呀！
張貼
