Devil Shake (已結業)

對我來講要一杯奶昔唔好飲其實好難，因為始終都係用雪糕，但係要一杯奶昔好好飲亦都唔容易，重點係一定係雪糕。咁岩經過尖沙咀，見到一間寫住devil shake 嘅店，立即好想試，因為心裏面諗呢間店嘅奶昔一定好邪惡，我叫咗個朱古力香蕉奶昔加Oreo，間店得兩個人，基本上兩個人入晒去沖奶昔就冇人企喺店面，你要撳鐘先有人出嚟，再加上佢哋一入去其實都等幾耐…終於見到我杯奶昔，第一啖飲落去…靜咗！一啲都唔devil，杯奶昔有香蕉味、有朱古力味不過偏淡，我以為我加咗Oreo會令到杯奶昔更加濃味，事實上唔係，而且佢杯奶昔唔係好杰撻撻，比較流質，我覺得佢個朱古力味唔濃嘅原因係雪糕嘅問題。事實上我係失望嘅。