西麵 (已結業)

韓國釜山嘅西面我去過，屯門嘅 #西麵 真係第一次去，呢間鋪真係名符其實嘅隱世小店，鋪面一眼就睇哂，我去到時都要等一陣位。餐廳唔只有意粉食，連飯都有，之但係人哋個名叫得西麵，我當然就叫咗個意粉試試，我就揀咗呢款雜菌黑松露扁意粉。因為佢哋所有食物都係即叫即整，所以都要等一段時間先食得，等嘅期間真係好難捱，因為我本身已經好餓😂仲要附近嘅人全部都食嘅好香嘅意粉，等到我肚仔都咕咕叫，好彩過多陣我個意粉就到了🎶佢個意粉佈滿咗黑椒，令到成個意粉味道都提升咗，黑松露份量不多不少，剛好足夠調味，又唔會太over～一流✔️