西塘花記 (已結業)

西塘花記開張無幾耐，朋友食過大讚，於是放工即刻撲去一食。裝潢一望，文青得嚟偏向中式典雅，可以打卡 📷😂講返食，餃子款式多，五顏六色好繽紛，睇到令人心花怒放，想興奮怒食 😂 不過因為晚餐，都係要自制一下。原本想嗌雨花石水餃，比相機開心食，點知每日限量制作，一早賣晒，想食都無得食。唯有改嗌招牌花式水餃。其他口味亦賣得七七八八，證明材料新鮮，天天制作。呢碟花式水餃，有齊五款口味，仲唔同顏色添 😍一啖一隻，皮薄餡靚，啖啖鮮味 🤤🤤🤤😋黑 - 海三鮮餡料有蝦、魷魚、蟹柳，陣陣海鮮香。綠 - 素三鮮韭菜、雞蛋、蝦，韭菜味濃郁。鐘意韭菜嘅人絕對絕對唔可以錯過。粉紅 - 蕃茄牛肉呢款超級驚喜。咬落爆汁，係蕃茄牛肉湯呀，好juicy 😋😋😋黃 - 冬菇豬肉陣陣冬菇香，啖啖肉，夠晒肉味～ 最啱鐘意食肉嘅朋友～白色 - 剁椒魚另一驚喜，咬開就發現係白雪雪嘅魚滑，非常軟滑，加埋酸菜，超惹味開胃，簡直係現時最流行酸菜魚嘅一啖版 😂 雖然已經有唔同口味，但店更提供特制餃子醬汁，令人胃口更大大大提高。醬汁基本係將蒜打蓉，加醋，加豉油，再加少少糖吊味 😋😋😋 除左食餃，再飲多杯鮮窄紫薯汁，作為甜品都係一個唔錯嘅選擇👍