天鴻燒鵝飯店

營業中

休息中

第一千個食評，選擇咗呢間貌不驚人嘅燒味小店...好幾次都過門而不入，唔係嚟到就收咗檔就係燒鵝沽清。是日又落嚟，望吓隻錶，兩點半，仲差半小時就午市收爐，馬上飛奔而至，最後終於趕得切...一聽到仲有燒鴨，儘管冇最想叫嘅鵝胸，都馬上即叫...望見燒鴨皮嗰層光澤，已饞相畢露。雖然出爐已久，但好些皮仍然微脆。可以想像出爐即食時係何等滋味...雖冇特別要求，但師傅竟然切隻鴨脾嚟，啖啖肉，而且絕不肥膩，肉質又夠實淨，實在有食神...水準絕對拍得住外面嗰D燒臘名店，仲要大大碗飯只賣二十三大洋，絕對不貴...