影片
更多
2008-07-28
9 瀏覽
尋日老婆生日, 有同事介紹去Novotel Hotel o既The Square食dinner buffet. 星期日都係HK$298加一, 兩人或以上有85折, 同事讚D o野食ok咪試下囉!- 環境方面 : 餐廳唔算大, 而且枱與枱之間比較迫, 不過都算新淨- 食物方面: 先o黎一杯智利06年o既cabernet sauvignon, HK$58一杯, 口感不圓滑, 零果味, 香味不足, 差. 沙律, 好新鮮, 種類算多. 讚!! 刺身, 唔掂, 唔新鮮, 頂唔順, 食剩幾件. 我不嬲對海鮮都麻麻地, 不過同事推介松葉蟹, 所以特登攞幾隻蟹腳試下, 果然好食, 好甜, 之後都有番攞, 青口同聖子都幾好味, 蝦唔得, 可能雪得太耐, 唔夠爽口 熱盤方面, 我最欣賞係即叫即做o既片皮鴨. 雖然唔係片得好靚, 不過都好好食, 值得一讚. 可惜之後想再食時, 整片隻鴨o個個阿嬸失o左蹤, 剩番隻俾人片o左幾o野o既鴨響度. 直到完場...... 仲有日式帶子, 好重牛油同芝士味, 正! 其他無乜突出, 無試. 有鐵板燒, 即叫即整. 不過D o野好似麻麻地, 都無試
- 環境方面 :
餐廳唔算大, 而且枱與枱之間比較迫, 不過都算新淨
- 食物方面:
先o黎一杯智利06年o既cabernet sauvignon, HK$58一杯, 口感不圓滑, 零果味, 香味不足, 差.
沙律, 好新鮮, 種類算多. 讚!!
刺身, 唔掂, 唔新鮮, 頂唔順, 食剩幾件.
我不嬲對海鮮都麻麻地, 不過同事推介松葉蟹, 所以特登攞幾隻蟹腳試下, 果然好食, 好甜, 之後都有番攞, 青口同聖子都幾好味, 蝦唔得, 可能雪得太耐, 唔夠爽口
熱盤方面, 我最欣賞係即叫即做o既片皮鴨. 雖然唔係片得好靚, 不過都好好食, 值得一讚. 可惜之後想再食時, 整片隻鴨o個個阿嬸失o左蹤, 剩番隻俾人片o左幾o野o既鴨響度. 直到完場...... 仲有日式帶子, 好重牛油同芝士味, 正! 其他無乜突出, 無試.
有鐵板燒, 即叫即整. 不過D o野好似麻麻地, 都無試
甜品都算多種款, 但都係以cake為主. 老婆攞o左件new york cheese cake俾我, 味道ok啦, Starbucks o既好味D, 雪糕係Haagen Dazs, 得雲呢拿, 士多啤利同朱古力味, 見佢係Haagen Dazs, 所以食o左兩杯. 另外試o左芒果奶凍, 勁重芒果味, 讚!! 再o黎個葡撻.....KFC o既好食好多
每枱送每人一隻鮑魚仔, 有咬感但無鮑魚味, 失敗.
間中會有木瓜燕窩布甸, 排隊攞o左一杯俾老婆, 食到木瓜但食唔到燕窩.
- Service方面:
我都未決定order邊款紅酒, 有個比較高大D o既waitress問我攞返個wine list. 佢話第二枱人要, 之後見佢攞俾隔離枱D外籍人, 我同老婆講:唔係嘛, 成間酒店得一張wine list?? 好心啦, 印多幾份啦. 定係以為我飲唔起呢? 8:30pm就主動走o黎問你餐飲要乜. 而且未食完就走o黎收走把剪蟹o既交剪同埋o左邊個碟仔, 好似趕住收工咁. 收碟都快, 可能尋晚坐唔爆啦. 以酒店餐廳水準而言只算緊緊合格咋!
雖然我無食過晒所有食物, 但其實食物種類唔係好多, 而且食物質素十分參差, service亦可以做得更好. 整體而言, 以咁o既價錢食到咁o既o野同service算合理啦!
張貼
