スーパー丼 (駱克道) (已結業)

見網上好多人推介呢間嘅鵝肝牛肉丼就試吓啦！叫咗$98嘅鵝肝和牛丼，見佢唔使$100食到和牛真係幾抵就去試吓啦。本身對佢期望唔高，因為唔覺得以呢個價錢可以食到啲好嘅和牛。落單嘅時候可以同職員講想要個和牛幾多成熟，今次試咗7成熟，啲牛燒得啱啱好，隻牛都唔算好多筋，都算係林嘅，比想像中好好多。個餐會配埋一個麵豉湯同埋一個迷你芝麻醬沙律菜。店裏面嘅環境都裝修得幾好，但就有啲迫，去嘅時候大概係1點幾，人流唔算太多所以都算係坐得幾舒服嘅。個人認為可以去試吓，但係就唔好抱住好大嘅期望去食。