爭鮮外帶壽司

長期都好多迫住買, 夜晚差唔多9點都係咁多人, 好難迫到埋去慢慢揀,
不過我好辛苦咁都執左24件, 仲有買多盒$20蚊沙津, total $92蚊。(兩個人食)
D壽司真係件件好細件, 三文魚壽司件三文魚好薄冇新鮮三文魚味, 食落完全冇滿足感,
魚生類 (魚立魚, 吞拿魚等) 都係魚生太薄而無味。蝦就OK, 不過都唔係好大隻而偏少肉唔肥美。
相比之下, 軍艦類就幾好, 款式亦好多, 有芥辣八爪魚, 辣味蜆肉, 螺肉等味道都唔錯, 可以試下。
沙津好多生菜, 得1粒熟帶子, 3條蟹柳, 3舊桃肉, 少少粟米, D生菜塊塊好大塊, 不是好新鮮, 而且比個芝麻沙津醬唔夠用,
所以有D好似食草咁...
不過講真真係一分錢一分貨, 考慮番佢咁平, 都算係咁上下。
對壽司唔高要求的, 求祈食一餐OK既。