爭鮮外帶壽司

今日(25-5-2013 Sat)爸爸又返大陸,男友放6:00pm,咁同佢去葵芳睇Openrice送o既聖誕玫瑰兼食飯啦,但有晒位啦,咁就淨係食飯啦,想食壽司,但元氣好多人,男友話返荃灣爭鮮食.嗯,好啦.返到o黎荃灣,排長龍;返地鐵站買返屋企食吧,呢o度一樣係多人,不過都算啦,再咁落去唔使食o架喇.我o地買o左5盒o野食,有:$32.00o既三文魚刺身同甜蝦刺身,老實,三文魚刺身顏色唔夠靚,只不過唔想男友買一大盒三文魚壽司而已.果然,三文魚味道唔濃不在話吓,重要係冇三文魚味,而甜蝦刺身就OK啲,OK o既意思係唔’梅’.$26.00四隻o既帆立貝,連大大兜甜燒汁,帆立貝係白灼過,冇晒鮮美,甚至係冇味,唔好食.$18.00o既帝王蟹風味棒,其實都食唔到咩o野蟹味,只係上面o既沙律醬好吧.分別係$29.00同$27.00o既生熟壽司拼,熟壽司裡面左下角紅色o個款似係醃過o既魚乾或蝦乾,味道同口感都幾熟識,酸酸地咁.腐皮,甜蛋,鰻魚呢啲味道正常,而其他生熟壽司唔係淡就係冇味,好差.而壽司飯呢,唔夠醋之餘亦唔夠實,一夾即散,好離譜.早已經有心理準備,知道唔會好食,但冇諗過差o左咁多.味道分係1.48分, 抵食係1.86分…查看更多

未試過海膽拌飯於是買了返屋企食食落冇咩特別 海膽唔係特別新鮮 但又未變壞既程度..唔知點講.. 甜甜地 但又唔同平時係鋪頭食果d唔同..一般啦見三文魚sushi唔錯就買埋佢..可能放左一日係雪櫃先食既關係..舊飯變到好硬..塊三文魚睇就幾靚 但食落一d味都無..好在係冇筋.. 如果唔係同咬香口膠冇分別= =總結:如果唔係特別懶唔想煮野食or唔知食咩好..下次都唔會再來了..寧願俾多小小錢去鋪頭食d好味既…查看更多

21-10-2012(Sun),因為我要留o係屋企清潔而唔去探大哥,爸爸就照去,而我o地朝早買o既滷水鵝片同豬手,好似唔夠我同男友當晚餐食,所以男友要放o左工都要買啲o野o黎食,而我又想食wasabi,於是提議佢買魚生壽司.佢就真係買o左o黎,佢買o左:1. 特價$25.00o既海膽拌飯,打開睇,海膽顏色開始有啲瘀色,開始唔新鮮喇,梗係啦,唔係點會特價?我試試,果然係苦,由於呢個應該係男友o既,所以我都冇再食,畀返佢.除o左海膽唔係咁新鮮外,其他應該都冇乜問題,而且佢都加o左豉油畀男友撈埋o黎食.2. $36.00o既高級精緻壽司餐盒,由三文魚子壽司同帶子壽司各三件組成.我就先試帶子壽司,帶子仍算新鮮唔霉,壽司飯唔太酸,亦唔算好散,OK.紅卜卜o既三文魚子好吸引,食落,都一樣OK o既.3. $45.00o既三文魚刺身正常冇問題.4. 每件$3.00o既自選壽司,男友自己揀o左5件,有甜蛋,甜蝦,腐皮,希靈魚加蝦肉同蟹子,我完全冇食到,因為其實呢啲係佢o既晚餐,我只係黐啲o黎食,佢食落都冇乜comment,只讚壽司飯好食,咁呢啲冇問題啦.味道分只就我食過o既畀. …查看更多

當晚覆診完但我又不想回家煮飯所以到爭鮮買壽司回家吃我例牌地選了一盒花之戀, 海膽壽司, 鰻魚壽司和山葵鱆魚壽司花之戀花之戀的賣相真的很吸引兩片三文魚包著滿滿的蟹籽, 加上沙律醬很開胃呢~ 海膽壽司我對海膽沒興趣這是專買給男友的因為他每次都讚嘆爭鮮的海膽抵食美味!!鰻魚壽司口味一般山葵鱆魚壽司這款軍艦壽司我十分喜愛!!因為口感很特別的山葵味道有少許辣而爽口鱆魚煙韌彈牙兩者加起來, 真的很過隱呢~…查看更多

長期都好多迫住買, 夜晚差唔多9點都係咁多人, 好難迫到埋去慢慢揀,不過我好辛苦咁都執左24件, 仲有買多盒$20蚊沙津, total $92蚊。(兩個人食)D壽司真係件件好細件, 三文魚壽司件三文魚好薄冇新鮮三文魚味, 食落完全冇滿足感,魚生類 (魚立魚, 吞拿魚等) 都係魚生太薄而無味。蝦就OK, 不過都唔係好大隻而偏少肉唔肥美。相比之下, 軍艦類就幾好, 款式亦好多, 有芥辣八爪魚, 辣味蜆肉, 螺肉等味道都唔錯, 可以試下。沙津好多生菜, 得1粒熟帶子, 3條蟹柳, 3舊桃肉, 少少粟米, D生菜塊塊好大塊, 不是好新鮮, 而且比個芝麻沙津醬唔夠用,所以有D好似食草咁... 不過講真真係一分錢一分貨, 考慮番佢咁平, 都算係咁上下。對壽司唔高要求的, 求祈食一餐OK既。…查看更多

下午 3:00, 買壽司頂肚 。真係價錢一樣但好明顯縮左水, 膠袋包裝無變, 表面主料好似無變, 但件件飯好散, 最緊要係縮埋水三文魚壽司: 魚味依然在, 鮮甜。蟹柳壽司: 主料及飯均縮水, 味都唔錯, 但真係細件左 。熟蝦壽司: 都細件左, 味道可以。鰻魚壽司: 味道都唔錯, 一個字 ---> 細件。…查看更多

當日行完街街買壽司返去同家人一齊食先~揀左花卷什錦 蟹子壽司的紫菜too bad…太軟..芥辣八爪魚帶少少辣味,很好吃~花樣餐盒可惜有點兒粗製濫造的感覺…散買的腐皮壽司 有2件個包裝袋甩掉….腐皮的長度又包唔晒d飯….  3文魚壽司 的質素比以往差左…. 幸好煙3文魚味道不錯,買左2件~玉子,鯖魚 味道ok~唔加豉油也夠味~鰻魚壽司 醬汁味不太重..不太突出鮮味呢~北寄貝 又平又好味~櫻花芝麻蝦,芝士龍蝦沙律,北寄貝沙律軍艦質素就不錯~ 買滿$70以上,送粟米一罐或茶包~我就揀左粟米喇~有贈品送真係幾吸引!!…查看更多

今晚食完飯,見唔係好飽,就去咗買爭鮮外賣壽司食啦,今次係第一次幫襯,平時食寿司都係去元氣食多,爭鮮從未試過我買咗吞拿魚寿司,熟蝦寿司,甜蝦寿司,整體寿司都可以$3件不可要求咁高呢!吞拿魚寿司>>幾新鮮,可能岩岩refill個批,熟蝦寿司>>味道麻麻,都算新鮮甜蝦寿司>>普普通通,賣相麻麻,但都可接受…查看更多

今日去買壽司,想去金xGA,但見到有一間好多人,睇下LA,原來係3蚊件,我買左10幾件,覺得好過金x,因為好新鮮,金x冇味.我想TAKE件三文魚都覺得好難,BECAUSE好多人.…查看更多

清理舊食評中，本來不想特別寫這間外帶壽司，但我真的不太明白為何熱潮過後，依舊這麼多人。這間新店新開張，秉承迴轉壽司那邊的旺場，人龍竟然要排到出出面行人天橋，當然同佢既市場策略減價有關啦。這一天，夜左收工，九點幾返黎諗唔到食咩好，一出閘就見到爭鮮，也沒有很多人排隊買壽司。其實好多外帶壽司店一夜左都會減價，但呢間時很有性格的，印象中好似到閂門我都見唔到佢會減價，睇黎佢真係對自己好有信心。十件三文魚賣$30，單獨一件件買$3，其實只係多左個盒的分別，所以話，你任何時間買都係一視同仁的。一吃之下，味道一般。公平點，當我同百佳等等整定的壽司比，咁樣比較的話，爭鮮係好ｄ的，三文魚肥，飯也不會太實，但除非我很趕時間，否則我諗我不會特登黎買。買爭鮮，何用爭先？…查看更多

今時今日先知荃灣地鐵站多左間爭鮮, 地方比葵芳個間細, 但人就無咁多哦。我地都揀左2盒返屋企食, 買左一盒精緻壽司$38 同一盒淨三文魚壽司$30。d 三文魚好新鮮啊. d 飯無葵芳個間咁硬, $3件真係抵爆呀!另一盒所謂精緻壽司就係比較貴既壽司, 有海膽, x立貝, 飛魚子。呢個價錢俾到呢個size 既x立貝都算係咁啦, 仲要好鮮tim, 而海膽, 飛魚子男朋友就話唔腥好味。食左咁多件先係$68, 真係好抵呀!…查看更多

一出荃灣地鐵站 ( 綠楊新邨方向 )，經過見到爭鮮外帶壽司，壽司 $3/件。咁平！ 人頭湧湧！忍不住走去望吓！我一向對壽司麻麻地，一試無妨！買咗4件壽司加一個飯糰，附上兩包醬油及一包 Wasabi 。 玉子壽司 - 甜蛋一塊，無咩特別！ 蟹棒壽司 - 雪藏蟹棒，算 OK! 蒲燒立魚壽司 - 好似饅魚甜甜地。 北寄貝壽司 - 未算鮮甜，淡淡地味！ 饅魚飯糰$7 - 包裝將紫菜跟飯糰分開，可以保持乾身脆身，雖然睇到鰻魚由頭到尾突出嚟，其實好幼好薄架！平平地都食得過！至於飯，未必係日本珍珠米，我平時食嘅日本珍珠米比較有光澤帶黏性，呢度用上劣級珍珠米或疑似珍珠米做壽司，一夾好易跌咗一部分落碟度。如果唔係點可以賣咁平呀！仲有租金、人工、燈油火爉.........排隊俾錢時，發覺後面正是一位日本先生，連日本人都買埋一份！…查看更多

第二次嚟買，今次正價唔駛排隊。買咗個雜錦魚生餐盒，D飯仍然係散散哋，但係D魚生就幾新鮮、又彈牙，連D漬魚都感覺爽口，只係八爪魚層衣食到有渣。食完後覺得幾抵食，28蚊，平時食快餐店都唔止，好滿足。不過食完十幾分鐘後，覺得好口渴，壽司都落味精？？？…查看更多

黃昏5.6點行去爭鮮經過呢度已經好多人排隊雖然都估到係新開張，但就唔知有優惠食完爭鮮想周圍行下，朋友仔見仲有好多人排就話不如去八下難怪咁多人啦，原來$2一件，只係堂食1/4價錢!!朋友仔亦順便買埋第二日晏奏最後朋友仔揀左盒10件三文魚同2件鰻魚我就揀左8件櫻花蝦蟹棒甜蛋八爪魚北寄貝……其實味道好一般，只係個個都貪佢平先會排所以個優惠過左後，應該都唔駛點排隊喇…查看更多

近排返工經過地鐵外面有條長長人龍，初時無為意，以為地鐵又出紀念車票，連續數天都有人龍，我好奇入去看看有咩咁吸引，原來開了間爭鮮外賣，新張其間有優惠，但我見咁長龍，我都係放棄無排。前幾日22:15經過地鐵，爭鮮職員大叫最後十分鐘....買二送一，我見流量快，應該新鮮掛，所以我買了九件，18元，好味過百佳壽司。…查看更多