影片
更多
2025-08-18
7 瀏覽
尖沙咀金馬倫道嘅「香香宮煮」係一間主打清朝宮廷風嘅高質火鍋店，成間鋪用粉紅色同古典宮廷裝潢，好夢幻又有氣派👸🏻入去第一眼就見到金光閃閃嘅龍椅⚜️，霸氣到好似入皇宮😂非常適合朋友聚會或慶祝🎉。有宮廷公主換裝體驗，打卡超吸睛📸，小朋友都可以著宮廷裝扮玩得開心⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣ 🍲 雍穆公全•花膠雞湯鍋（半隻）($328)必點嘅係佢哋招牌 花膠雞湯鍋，選用靚貨三黃雞🐔，半隻雞肉質厚實滑嫩，雞油香滿滿～湯底用足料雞骨熬到金黃色✨，入口清甜帶膠質，一啖就知真材實料！大大塊花膠浸到吸滿湯精華，食落Q彈爽滑，滿滿膠原蛋白💛，簡直係養顏聖品～店員仲提你未落料前要先飲頭啖湯，香到你停唔到口🤤，飲完再將雞肉落去滾，啲肉索晒湯底味，嫩到唔洗點咬就散～最後再落啲蔬菜或丸類，吸到雞湯精華🥹2️⃣ 🥩 艾莎公主牛肉寶盒($498)「艾莎公主牛肉寶盒」一開蓋，仙氣滿溢～✨入面一次過集齊7款牛肉：手切牛三角、牛胸爽、新鮮牛展、雪花肥牛、牛黃喉、牛肉粒、牛舌花，啖啖牛香！雪花肥牛入口即溶，油脂香滑；牛黃喉爽脆有嚼感；牛肉粒肉味超濃，輕輕淥兩下已經爆汁；牛舌花
⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚
1️⃣ 🍲 雍穆公全•花膠雞湯鍋（半隻）($328)
必點嘅係佢哋招牌 花膠雞湯鍋，選用靚貨三黃雞🐔，半隻雞肉質厚實滑嫩，雞油香滿滿～湯底用足料雞骨熬到金黃色✨，入口清甜帶膠質，一啖就知真材實料！大大塊花膠浸到吸滿湯精華，食落Q彈爽滑，滿滿膠原蛋白💛，簡直係養顏聖品～店員仲提你未落料前要先飲頭啖湯，香到你停唔到口🤤，飲完再將雞肉落去滾，啲肉索晒湯底味，嫩到唔洗點咬就散～最後再落啲蔬菜或丸類，吸到雞湯精華🥹
2️⃣ 🥩 艾莎公主牛肉寶盒($498)
「艾莎公主牛肉寶盒」一開蓋，仙氣滿溢～✨入面一次過集齊7款牛肉：手切牛三角、牛胸爽、新鮮牛展、雪花肥牛、牛黃喉、牛肉粒、牛舌花，啖啖牛香！
雪花肥牛入口即溶，油脂香滑；牛黃喉爽脆有嚼感；牛肉粒肉味超濃，輕輕淥兩下已經爆汁；牛舌花厚薄適中，咬落彈牙～每款都有自己嘅性格，淥熟蘸醬，食到你停唔到口！💖
3️⃣ 🥟黑松露蟹肉餃($78)
餡料用蟹肉＋豬肉混合，顏色橙黃亮眼。皮薄餡靚，咬落肉汁滿滿🦀。雖然蟹黃香氣唔算超爆，但口感軟嫩，配埋湯底嚟食更滋味～
4️⃣ 🍜 刀削麵（$38）
每條麵入口 彈牙又掛汁，一啖落去完全唔會粉爛，反而係帶少少嚼勁，好有口感🤤～吸滿咗濃郁嘅湯底精華！🔥 最正係佢啲麵唔會浸一陣就腍晒，無論你食得幾慢，都仲保持住咬勁！👏加埋花膠雞湯底一齊食，真係完美～💛
5️⃣ 🥢 即炸響鈴（$88）
一碟送上枱就聞到香噴噴嘅油香味，原來佢係多層薄脆紙咁卷成一條長長響鈴，炸到金黃酥脆，😍 佢嘅厲害之處係—炸得乾身但唔油膩，層層香脆分明。浸湯大概 3 秒，薄脆就吸滿濃湯精華，入口時外層仲有少少脆感，中間就帶住湯汁嘅暖香，超邪惡！💥
6️⃣ 🍡 肉丸拼盤（$168）
呢個拼盤真係打邊爐食肉丸嘅天花板！一次過有五款：鯪魚肉丸、松露芝心墨魚丸、蟹子墨魚丸、蟹子蝦丸同鮮牛丸，每粒都「漲卜卜」咁大粒🤩～松露芝心墨魚丸咬開仲有香濃芝士爆漿出嚟🧀；蟹子墨魚丸同蟹子蝦丸都彈牙得黎帶住啲蟹子爆珠口感，鮮味爆棚！🐟 最後係鮮牛丸—牛肉味超濃郁，軟滑又多汁，好似升級版山竹牛肉咁，食一粒就愛上~
7️⃣ 自家製竹蔗茅根($78)
飲品竟然用古代酒呈上枱！金屬質感超重手，拎住影相即刻有穿越感📸～竹蔗茅根味清甜解膩，邊打邊爐邊飲啱哂。
⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚
📍 尖沙咀加拿芬道16號金輝大廈1樓
🚇 港鐵尖沙咀站B2站出口，步行約2分鐘
🕒 Mon-Sun:12:00-23:45
張貼
