芝加哥串燒 (美豐花園) (已結業)

同朋友在附近踩完單車，天都開始入黑，係時候搵野食，行行下就搵到這間串燒店，見到連店外都坐滿客，咁就被吸引左入去，店鋪雖然唔算大，但裝修都幾靚，再播一些輕快既英文歌，邊食串燒邊聽住音樂感覺好舒服。我們點左9款食物，當然梗係要叫返支酒黎配串燒先夾，串燒最先到，牛舌黑胡椒味好重，豬頸肉好爽口，真係超正，必叫之選，羊肉串有羶味，哩樣就因人而異我自己超鐘意羊肉有羶味，雞翼包飯入面係糯米飯。帶子燒得好好味連汁都飲埋。羊架都幾大件，肥膏位置係最重羊羶味，大啖咬落去成口油脂，好正，配埋個芥末醬。牛仔骨夠腍身，跟埋個燒烤醬汁，真係好夾。蜜糖豬扒，本身搽左蜜糖去燒，味道帶微甜，如果唔夠甜可以點一點跟埋果個醬汁，都係甜的。燒菠蘿有驚喜，我本身好少食，試左一件，正喎，甜甜地而且好多汁，唔會乾身。好耐冇食串燒，食完真係好滿足，我同朋友本身唔算太肚餓，食完其實夠飽，下次我到大埔多個歇腳好地方。價錢方面好合理，我覺得串燒黎講唔算貴。