快樂小羊火鍋餐廳

營業中

休息中

前排食完，一直心思思想再食，不過今次發現原來打邊爐個湯底真係真係真係好重要，亦都要夾個人口味。上次叫左招牌湯底——清湯同麻辣，今次侍應介紹話酸辣會辣d，麻辣麻d，就叫清湯同試下酸辣，點知對酸辣好失望，可能印象中既酸辣係太2酸菜魚果隻，但係呢個酸辣就真係冇乜特別，食到辣味，但味道層次唔豐富，我寧願捨辣取麻。今次主打牛肉拼盤（牛舌、牛肩胛、牛小排）同羊肉卷，都係肉同油脂均勻，有牛肉、羊肉香，唔會有筋，鞋唔鞋就靠自己睇淥既時間啦。青檸梳打出呼意料咁好飲，叫左兩round, 好過叫有色素糖漿既特飲。烤羊肉串依然係必叫之選。叫左娃娃菜同油麥菜各一份，都好新鮮。