影片
更多
2009-04-08
16 瀏覽
今日同一聚同事兩男四女去，因為自從我上次食完好正，不斷推介，所以一致要求去試一試。我同肥娥出發先，大概12:20到門口，都已經有成堆大概廿鬆人，我即刻攞張飛仔先啦~~等咗四個幾字終於有枱啦，仲要最近門口嗰張，好似冇冷氣咁，越食越熱，同枱個個流晒汗。續一講講大家叫咗咩啦~~1. 地獄豬軟骨拉麵(轉啜啜麵) - 個湯底望落好濃，不過美女同事係咁話好味，而且一啲都唔咸2. 北海道海鮮奶湯炒墨魚麵 - 兩位同事都叫好，而且嘴叼嘅佛爺都不斷話好味(佢平時好少讚架嘛)，仲要話好味過山頭火(佢平時好鍾意食山頭火)，可想而知~~3. 肥娥同我都叫咗吉列豬扒拉麵(佢食原味，我就轉啜啜麵同地獄湯底) - 我個湯底望落又係好濃，好香唔太辣而且好夠味，湯裡面啲餸絕不欺場，有大量芽菜、菠菜同我至愛嘅筍加半隻我二十級鍾意食嘅溏芯蛋~~好好味，而個啜啜麵好彈牙，口感好Q，可以一試。宜肥娥都讚佢個原味湯底一流。最緊要個吉列豬扒，因為共同分享關係，人人都勁讚，又脆又鬆軟仲好多汁，雖然冇吉列專門店咁一流，不過都有80分。4. 玉子滑雞柳飯 - 我睇個樣，好似冇咩特別，啲雞柳都唔少仲好大舊吓~所以我問咗韓琛覺得點，佢話好正
我同肥娥出發先，大概12:20到門口，都已經有成堆大概廿鬆人，我即刻攞張飛仔先啦~~
等咗四個幾字終於有枱啦，仲要最近門口嗰張，好似冇冷氣咁，越食越熱，同枱個個流晒汗。
續一講講大家叫咗咩啦~~
1. 地獄豬軟骨拉麵(轉啜啜麵) - 個湯底望落好濃，不過美女同事係咁話好味，而且一啲都唔咸
2. 北海道海鮮奶湯炒墨魚麵 - 兩位同事都叫好，而且嘴叼嘅佛爺都不斷話好味(佢平時好少讚架嘛)，仲要話好味過山頭火(佢平時好鍾意食山頭火)，可想而知~~
3. 肥娥同我都叫咗吉列豬扒拉麵(佢食原味，我就轉啜啜麵同地獄湯底) - 我個湯底望落又係好濃，好香唔太辣而且好夠味，湯裡面啲餸絕不欺場，有大量芽菜、菠菜同我至愛嘅筍加半隻我二十級鍾意食嘅溏芯蛋~~好好味，而個啜啜麵好彈牙，口感好Q，可以一試。宜肥娥都讚佢個原味湯底一流。最緊要個吉列豬扒，因為共同分享關係，人人都勁讚，又脆又鬆軟仲好多汁，雖然冇吉列專門店咁一流，不過都有80分。
4. 玉子滑雞柳飯 - 我睇個樣，好似冇咩特別，啲雞柳都唔少仲好大舊吓~所以我問咗韓琛覺得點，佢話好正、好味! (平時佢又係好奄尖...)
另外加咗兩個大根餃子(因為一客得四件)同一個唔知咩麻麻餃子，前者好好味，個蘿蔔餃子皮好多汁，而且上面仲有啲蟹籽，有兩款一種普通平時食到橙色嗰啲，一種係黑黑哋色，加咗啲沙律醬，個味好夾，而且熱辣辣....必試! 後者個餃子就比較普通啦。
跟咗兩套小食，分別係兩個蒸蛋、一個麵豉湯同一個粟米沙律，個蒸蛋一樣咁滑，保持到水準，不錯不錯!!
張貼
