影片
更多
2018-02-09
22 瀏覽
雖然天氣持續寒冷，但老爸話食得多打邊爐好鬼悶，去麥記食🍔🍔🍔好過。我認我唔喜歡麥記，尤其是屋企樓下個間，因為一入到去就嗅到一陣味，仲要好多位都俾不速之客坐左。不過，一早安排左今日陪老爸食飯，又要尊重佢意見。於是我建議不如帶佢去食神級🍔，🍔唔一定只有麥記先有既。呢間🍔店係美麗華商場入面，老爸知道後問會唔會好貴，擔心我個荷包喎。🤗🤗🤗突然覺得好窩心添。門口有個大大🍔圖，老爸一眼就知係呢到啦。裝潢以車軚做佈置，燈光較暗，坐位濶落舒適。午市人不多，坐得舒服。唔怕凍，想挑戰寒冷既人可以揀室外坐，亦係吸煙區。自肋水吧區，可以取熱水和調味料。職員好好人，見我同老人家黎，幫我取埋熱水，仲温馨提醒我地小心燙親老爸令住個餐牌研究左好耐，三心兩意😂😂最初話要食龍蝦🍔（佢完全唔睇價錢），太貴唔準，之後揀鵝肝軟殻蟹🍔，鵝肝高膽固醇唔得，最終妥協左要軟殼蟹🍔。佢話好耐無食過軟殼蟹喎。不過我有點擔心😅😅😅😅好大份，係原隻軟殼蟹上，大個我既手掌。佢地好細心幫你一分為二，放便我同老爸share食。麵包外層脆皮，內層鬆軟，包住炸得金黃色，還冒住煙既軟殼蟹，咬落鬆脆，配埋d生菜，蕃茄和自加制既塔塔醬，口感豐富，我就食到不過
我認我唔喜歡麥記，尤其是屋企樓下個間，因為一入到去就嗅到一陣味，仲要好多位都俾不速之客坐左。不過，一早安排左今日陪老爸食飯，又要尊重佢意見。於是我建議不如帶佢去食神級🍔，🍔唔一定只有麥記先有既。
呢間🍔店係美麗華商場入面，老爸知道後問會唔會好貴，擔心我個荷包喎。🤗🤗🤗突然覺得好窩心添。
門口有個大大🍔圖，老爸一眼就知係呢到啦。
裝潢以車軚做佈置，燈光較暗，坐位濶落舒適。
午市人不多，坐得舒服。
唔怕凍，想挑戰寒冷既人可以揀室外坐，亦係吸煙區。
自肋水吧區，可以取熱水和調味料。職員好好人，見我同老人家黎，幫我取埋熱水，仲温馨提醒我地小心燙親
老爸令住個餐牌研究左好耐，三心兩意😂😂最初話要食龍蝦🍔（佢完全唔睇價錢），太貴唔準，之後揀鵝肝軟殻蟹🍔，鵝肝高膽固醇唔得，最終妥協左要軟殼蟹🍔。佢話好耐無食過軟殼蟹喎。不過我有點擔心😅😅😅😅
好大份，係原隻軟殼蟹上，大個我既手掌。佢地好細心幫你一分為二，放便我同老爸share食。
麵包外層脆皮，內層鬆軟，包住炸得金黃色，還冒住煙既軟殼蟹，咬落鬆脆，配埋d生菜，蕃茄和自加制既塔塔醬，口感豐富，我就食到不過老爸就佢食蟹腳時就無問題，但一到食蟹身就問點解有殼既？唉﹗軟殼蟹真係有殼呀喎，佢係D小蟳脫殼後，係蟹殼未硬化前，即刻生凍起來而成，可以殼連肉一齊食呀。解釋完，老爸都係堅持己見。
點少得食牛肉🍔，所以我㨂左個大烤菇芝士牛肉🍔
7層厚既🍔＞麵包，大菇，芝士，漢堡排（成寸厚呀），蕃茄，生菜，麵包。入面仲混有好多千島醬同蕃茄醬，為個🍔加添左好多色彩。
肥大肉厚既Portobello Mushroom，菇味香濃，汁多，仲要同D Cheddar cheese混合埋一齊。漢堡排係整個🍔靈魂所在，厚厚既肉排一d都冇鬆散，質感夠滑又滲出少量肉汁，超正。
加三十蚊可以轉成餐，有埋薯條同熱飲。早知轉一個餐就算，因為老爸根本食唔晒一個包，要我食埋佢個份，撐爆我個肚啦😂😂😂。
飯後問老爸，麥記好定呢到好。佢就話各有各好。呢到d🍔多花款，份量又多，唔岩佢，因為佢食左半個🍔已經飽，無謂浪費，試過就滿足了。而麥記雖然一成不變，份量小，但就岩佢食。而且食左咁多年老麥，有感情喎。
不過我同返佢講，想同仔女一齊食🍔就要黎呢到，食唔到咁多可以同我地share食，無話一定要食晒成個包。點知佢即刻話，咁不如下次一齊食龍蝦🍔，兩人食一個，都唔係好貴姐。我比佢吹脹左！🤦🤦🤦🤦
張貼
