校長燒肉日韓料理 (沙咀道) (已結業)

突然間好想食放題，有日本嘢食嘅放題，而老公又好想食烤肉，所以揀嚟校長日韓燒肉放題就啱晒啦👍🏻👍🏻👍🏻門口一入去就已經見到有個夾公仔機，環境裝修得唔錯位置多得來唔會太擠迫，裝飾有時代感，比較特別。😍😍😍佢哋肉類嘅款式都比較多選擇，都係俾你出去任拎，無限額，食幾多拎幾多。除咗肉類之外亦都有好多菇類俾你選擇，蔬菜亦有好多。最細心嘅係佢有好多肉類都已經預先調製好味道，亦都有非常非常多嘅味道俾你選擇，你一樣嘢做得好好，你唔識香茅味咩，你放心有麻辣味俾你揀，亦都有蒜香味俾你揀，總有一款味道啱你胃口。另外呢個盛盒有三層，第一層有鮮蝦，第二層有牛肉，第三層有豬肉，係俾你打邊爐或者燒烤，而家只要你哋like咗佢佢地Facebook之後show比店員睇佢哋就會即刻送多一個盛盒俾你地，所以真係好抵食。調味料應有盡有，烤肉嘅醬料以及打邊爐嘅調味料佢哋都有提供。二打邊爐嘅湯底又係俾你出去飲拎，我哋就拎咗麻辣湯底，但係其實一啲都唔辣，可能我比較食得辣掛，不過湯底味道都算唔錯👍🏻👍🏻👍🏻👍🏻最後就係甜品，佢哋有得俾你自己去吱雪糕，亦都有好多七彩繽紛嘅配料俾你搭配，而老公就整咗呢一杯雪糕返嚟，好靚啊，另外飲品選擇佢哋