CURATOR Art & Café (已結業)

喺K11嘅Musea入面，一切嘅嘢都變到好似藝術品咁樣，今次嚟到呢間餐廳，或者唔應該叫佢做餐廳，應該係一間精品店多於餐廳，由店外望入去已經有一種高貴嘅感覺，而等位時已經見到餐廳內擺放着各種新潮的figure擺設，也有一些精品放在餐廳的一邊發售，感覺像是平日商場內的一些精品店似的。頭盤前菜首先叫左慢煮西班牙八爪魚，配搭十分新穎，以一個簡單既沙津底，配上暖暖嘅八爪魚片。一邊食到沙律既爽脆口感，同時間又有八爪魚既煙韌口感，一點都不難咬開。緊接住既主菜有招牌莎樂美腸薄餅，係薄餅底類既pizza，食落有濃濃既芝士味之餘，餅底都keep到脆薄嘅口感，兩個人食嘅話份量都算幾足夠。另外仲叫左份香蒜橄欖油意粉，味道唔算係十分濃味，但意粉嘅質感做得幾唔錯，唔會煮得太淋而帶點意粉應有嘅咬口。飲品方面都幾有驚喜，我地分別叫左杯蜂蜜青檸水同埋抹茶，用黎盛飲品既杯非常精美，印著似係藝術家畫作既花紋，令人都不自禁地拎出影相影黎留個念。店內既燈光仲會隨住時間有不同既變化，都令食客有個幾特別既體驗。